சமூக வலைத்தளங்களில் உருவாகும் நட்பு சில நேரங்களில் எதிர்பாராத விபரீதங்களுக்கும் வழிவகுக்கும். மகாராஷ்டிராவில் 14 வயது சிறுமி தொடர்பான சம்பவம் ஒன்று தற்போது அதிர்ச்சியை ஏற்படுத்தியுள்ளது. இன்ஸ்டாகிராம் மூலம் சிறுவன் ஒருவருடன் சிறுமிக்கு பழக்கம் ஏற்பட்டதாக கூறப்படுகிறது.

நாளடைவில் அந்த பழக்கம் நெருக்கமாக மாறிய நிலையில், சிறுவன் தனது நண்பருடன் சேர்ந்து சிறுமியை மறைவான இடத்திற்கு அழைத்துச் சென்றதாக போலீசார் தெரிவித்துள்ளனர். அங்கு சிறுமிக்கு பாலியல் வன்கொடுமை செய்ததுடன், சம்பவத்தை வீடியோவாகவும் பதிவு செய்ததாக கூறப்படுகிறது.

இதற்கிடையே, அந்த வீடியோ இணையத்தில் பரவியதை சிறுமியின் உறவினர் ஒருவர் கவனித்துள்ளார். இதனால் அதிர்ச்சியடைந்த அவர், சிறுமியிடம் விசாரித்தபோதுதான் நடந்த சம்பவம் குடும்பத்தினருக்கு தெரியவந்துள்ளது. இதையடுத்து சிறுமியின் குடும்பத்தினர் போலீசில் புகார் அளித்துள்ளனர்.

புகாரின் அடிப்படையில் வழக்குப்பதிவு செய்த போலீசார், சம்பவத்தில் தொடர்புடையதாக கூறப்படும் இரு சிறுவர்களையும் கைது செய்து விசாரணை நடத்தி வருகின்றனர். சமூக வலைத்தளங்களில் அறிமுகமாகும் நபர்களை நம்புவதில், குறிப்பாக சிறார்களின் பாதுகாப்பில், பெற்றோர்களும் குழந்தைகளும் கூடுதல் கவனம் செலுத்த வேண்டியதன் அவசியத்தை இந்த சம்பவம் மீண்டும் உணர்த்தியுள்ளது.