சமூக வலைத்தளமான ரெடிட்டில் (Reddit) 27 வயது இளைஞர் ஒருவர், “என் முட்டாள்தனத்தால் கடன் வலையில் விழுந்துவிட்டேன்” என்ற தலைப்பில் வெளியிட்டுள்ள தார்மீகக் ஒப்புதல் வாக்குமூலம் தற்பொழுது சோசியல் மீடியா ஏரியாவிலும் ஆன்லைன் நுகர்வோர் மத்தியிலும் மிகப்பெரிய புயலையும் நிதி விழிப்புணர்வு விவாதத்தையுமே கிளப்பியுள்ளது.

தனது குடும்பத்தைக் காப்பாற்றும் ஒரே வருமானத்தாரரான அந்த இளைஞர், தனக்குக் கிடைக்கும் 23,000 ரூபாய் மாதச் சம்பளத்தை வைத்துக்கொண்டு, பார்ட்டிகள் மற்றும் ஸ்பா சிகிச்சைகளுக்காகக் கண்மூடித்தனமாகச் செலவு செய்து 4 தனிநபர் கடன்கள் மற்றும் 3 கிரெடிட் கார்டு நிலுவைகள் என 3 லட்சம் ரூபாய்க்கும் அதிகமாகக் கடனைச் சேர்த்துப் பெரும் நிதி நெருக்கடியில் தவித்து வருவதாக ஓப்பனாகப் புலம்பியுள்ளார்.

வாடகை மற்றும் இதர வீட்டுக் செலவுகளுக்குப் போகத் தம்மால் மாதம் 4,000 ரூபாய் மட்டுமே கடனுக்காக ஒதுக்க முடிகிறது என்றும், கடன்களை அடைக்க நீண்ட காலத் தவணையில் மற்றொரு 3 லட்சம் ரூபாய் தனிநபர் கடனுக்கு விண்ணப்பித்தபோது அனைத்து வங்கிகளும் அதை நிராகரித்துவிட்டன என்றும் அவர் குறிப்பிட்டுள்ளார்.

அதிகப்படியான கிரெடிட் கார்டு பயன்பாட்டால் அவரது சிபில் (CIBIL) ஸ்கோர் 770-லிருந்து 765 ஆகச் சரிந்துவிட்ட நிலையில், சாத்தியமான 80 சதவீத கிரெடிட் கார்டு தொகையை இஎம்ஐ (EMI) ஆக மாற்றிய பின்பும் அவரால் மாதாந்திரத் தவணையைச் செலுத்த முடியவில்லை என்று நிதி ஆலோசனை கேட்டு அவர் பதிவிட்டுள்ள இந்தச் செய்தி, தற்பொழுது  இணையத்தில் காட்டுத்தீயாய் பரவி, “ஆசைக்காகக் கிரெடிட் கார்டுகளைத் தாறுமாறாகப் பயன்படுத்திவிட்டு இப்படி நடுத்தெருவில் நிற்பது இன்றைய இளைஞர்களுக்கு ஒரு பெரிய பாடம்!” என்று நெட்டிசன்கள் மத்தியில் பலத்த எச்சரிக்கையுடனும் விழிப்புணர்வு கமெண்ட்டுகளுடனும் தீவிரமாக விவாதிக்கப்பட்டு வருகிறது.