இந்தியாவின் வந்தே பாரத் ரயிலில் பயணம் செய்த பிரிட்டிஷ் குடும்பத்தின் வீடியோ சமூக வலைதளங்களில் பரவலாகப் பரவி வருகிறது. ஹட்சின்சன் என்ற ஐந்து பேர் கொண்ட இந்தக் குடும்பம், இன்ஸ்டாகிராமில் பகிர்ந்த இந்த வீடியோவில், நான்கு மணி நேர பயணத்தின்போது வழங்கப்பட்ட இலவச உணவுகளை அனுபவித்து மகிழ்ச்சியுடன் பேசுகின்றனர்.
“இந்த டிக்கெட்டுகள் நாங்கள் நால்வருக்கும் ஒவ்வொருவருக்கும் சுமார் 11 பவுண்ட் (சுமார் 1,200 ரூபாய்) மட்டுமே செலவானது, அதோடு உணவும் கிடைக்கிறது. பெண் குழந்தைகள் ஏற்கனவே தங்கள் உணவைப் பெற்றுவிட்டார்கள்,” என அந்தப் பெண் சொல்கிறார். டிரேயில் டயட் மிக்ஸ்சர், காரமல் பாப்கார்ன், பேட்டி, மாங்கோ ஜூஸ், இஞ்சி டீ பவுடர் போன்றவை இருந்தன;
View this post on Instagram
முதலில் டீ பவுடரைப் பார்த்து குழப்பமாக இருந்தாலும், சூடான தண்ணீர் வந்ததும் அது அருமையாக இருந்ததாகக் குறிப்பிடுகின்றனர். “இந்திய ரயில் உணவு! என்ன எதிர்பார்த்தீர்கள்? சாய் பவுடர் குழப்பமாக இருந்தது, ஆனால் சூடான தண்ணீர் வந்ததும் அது சுவையாக இருந்தது,” என வீடியோ கேப்ஷன்.
இந்த வீடியோ 14 லட்சத்துக்கும் மேற்பட்ட பார்வைகளைப் பெற்றுள்ளது; சமூக வலைதளங்களில் நூற்றுக்கணக்கான கருத்துகள் பொழியுகின்றன. “வந்தே பாரத் ரயில்கள் மிகவும் வசதியானவை, விலை தாங்கும் அளவுக்கு. உங்கள் பயணம் மகிழ்ச்சியாக இருக்கட்டும்,” என ஒருவர் கூறியுள்ளார்;
“எக்ஸிக்யூட்டிவ் கிளாஸ் டிக்கெட் புக் செய்தால் இன்னும் வசதியாக இருக்கும்,” என மற்றொருவர். “இந்தியாவின் நல்ல விஷயங்களைப் பகிர்ந்ததற்கு நன்றி; பலர் எதிர்மறை விஷயங்களை மட்டும் காட்டுகிறார்கள், உங்கள் ரிவ்யூ சிறப்பு,” என மூன்றாவது கருத்து.
“வந்தே பாரத் இது ‘லெவல்-அப்’ ரயில்; அடுத்து தேஜஸ், ராஜதானி, விஸ்டா டோம் பயணத்தையும் ரிவ்யூ செய்யுங்கள்,” என நான்காவது. சென்னை இன்டிக்ரல் கோச் ஃபேக்டரியில் தயாரிக்கப்பட்ட இந்த ரயில், ‘மேக் இன் இந்தியா’ திட்டத்தின் பெருமை; ‘கவச்’ எனும் சொந்த ஆன்டி-கொலிஷன் சிஸ்டம் கொண்டு, மோதல் ஏற்படாமல் பிரேக் பிடிக்கும் தொழில்நுட்பம் உள்ளது.
