சமூக வலைதளங்களில் ஒரு அதிர்ச்சிகரமான வீடியோ வெளியாகி, அது நிஜமானதா அல்லது செயற்கை நுண்ணறிவு (AI) தொழில்நுட்பத்தின் மூலம் உருவாக்கப்பட்டதா என்ற சந்தேகத்தை மக்களிடையே தீவிரமாக எழுப்பியுள்ளது. சாலையின் ஓரத்தில் நின்றுகொண்டிருந்த ஒரு மானுக்கு ஒருவர் உணவளிக்கும்போது, அருகில் பதுங்கியிருந்த புலி ஒன்று சட்டென்று அவர்மீது பாய்ந்து தாக்க முயல்கிறது. அந்த நபர் தலைதெறிக்க ஓடும் காட்சியும், அதே சமயம் பின்னணியில் இருந்த கார் ஒன்று வேகமாக ‘ரிவர்ஸ்’ எடுக்கப்படுவதும் அந்த வீடியோவில் பதிவாகியுள்ளது. இந்த வீடியோ, எந்தவிதமான தொழில்நுட்பப் பிழையும் (Glitch) இல்லாமல், ஓட்டத்தின்போது மிகச் சிறிய அசைவுகளிலும் கூட அச்ச அசலாக உண்மைச் சம்பவம் போலவே தோற்றம் அளிப்பதால், பார்ப்பவர்களுக்கு இது நிஜமாகவே நடந்ததா அல்லது நவீன AI-யின் கைவண்ணமா என்று குழப்பம் நிலவுகிறது.

பொதுவாக, இதுபோன்ற ஆபத்தான காட்டு விலங்குகளின் வீடியோக்கள் நிஜமானவை அல்ல என்று ஊடகங்களால் நிரூபிக்கப்படும் சூழலில், இந்த வீடியோவின் தரம் மற்றும் தத்ரூபமான ஓட்டக் காட்சியமைப்பு ஆகியவை அதன் உண்மைத்தன்மை குறித்துப் பெரும் விவாதத்தைத் தூண்டியுள்ளன. பல நேரங்களில், AI மூலம் உருவாக்கப்பட்ட வீடியோக்களில் லேசான ஒளிச் சிதறல்களோ அல்லது வேகமான அசைவுகளில் பிழைகளோ தென்படும். ஆனால், இந்தப் புலித் தாக்குதல் வீடியோவில், மனிதர் ஓடும் வேகம், புலியின் அசைவுகள் மற்றும் பின்னணியில் கார் ரிவர்ஸ் ஆகும் யதார்த்தமான செயல்பாடு ஆகியவை மிகவும் இயல்பாக இருப்பதால், இது நிஜமானதல்ல என்று எளிதில் ஒதுக்கிவிட முடியவில்லை. தொழில்நுட்பம் எவ்வளவு முன்னேறியுள்ளது என்பதையும், இது எதிர்காலத்தில் போலிச் செய்திகள் (Deepfake) உருவாவதற்கு எவ்வளவு பெரிய அச்சுறுத்தலாக இருக்கும் என்பதையும் இந்த வீடியோ நினைவூட்டுகிறது.