திமுக அரசு தேர்தலில் அளித்த வாக்குறுதிகளை நிறைவேற்றவில்லை என தொடர்ச்சியாக எதிர்க்கட்சிகள் குற்றச்சாட்டுக்கள் கூறி வருகின்றன.

இதன் தொடர்ச்சியாக மதுரையில் செய்தியாளர்களை சந்தித்த அதிமுக முன்னாள் அமைச்சர் ஆர்.பி. உதயகுமார், “ஃபாக்ஸ்கான் நிறுவனம் தமிழ்நாட்டில் முதலீடு செய்யும் என்று மாநில அரசு பெருமிதத்துடன் அறிவித்தது. ஆனால் அந்த நிறுவனமே தற்போது முதலீடு செய்ய திட்டமில்லை என்று தெரிவித்துள்ளது. இதனால் ‘பூனைக்குட்டி வெளியே வந்தது’ என்பதுபோல உண்மை வெளிச்சம் பார்த்துவிட்டது” என்றார்.

இதன் மூலம் அரசு மக்களுக்கு கூறிய வாக்குறுதிகளில் திணறி வருவதாகவும், முதலீட்டாளர்களின் நம்பிக்கையைப் பெருமை பேசும் அரசே இழந்துவிட்டதாகவும் அவர் கடுமையாக சாடினார்