இந்தியாவில் 2024 ஆம் ஆண்டுக்கான சக்தி வாய்ந்த அரசியல் தலைவர்கள் பட்டியல் வெளியாகியுள்ளது. இந்த பட்டியலில் முதல்வர் ஸ்டாலினுக்கு பின்னடைவு ஏற்பட்டுள்ளது. அதாவது சக்தி வாய்ந்த அரசியல் தலைவர்கள் பட்டியலில் பிரதமர் மோடி முதலிடத்தை பிடித்துள்ளார். அதன்பிறகு முதல் 5 இடங்களில் இந்தியா கூட்டணி தலைவர்களில் ராகுல் காந்தியை தவிர பிற தலைவர்கள் இடம்பெறவில்லை.

இந்நிலையில் முதலிடத்தில் பிரதமர் மோடி இருக்கும் நிலையில், இரண்டாம் இடத்தில் ஆர்எஸ்எஸ் தலைவர் மோகன் பகவத்தும், மூன்றாம் இடத்தில் உள்துறை மந்திரி அமித்ஷாவும், நான்காம் இடத்தில் ராகுல் காந்தியும், ஐந்தாம் இடத்தில் சந்திரபாபு நாயுடுவும் இடம்பெற்றுள்ளனர்.

இதைத்தொடர்ந்து ஏழாம் இடத்தில் முதல்வர் யோகி ஆதித்யநாத் இருக்கிறார். அதன் பிறகு எட்டாம் இடத்தில் தான் முதல்வர் ஸ்டாலின் இருக்கிறார். மேலும் இதற்கிடையில் ஆறாம் இடத்தில் பீகார் முதல்வர் நிதீஷ் குமாரும், மேற்குவங்க மாநில முதல்வர் மம்தா பானர்ஜி ஒன்பதாம் இடத்திலும், பத்தாம் இடத்தில் சமாஜ்வாதி கட்சி தலைவர் அகிலேஷ் யாதவும் இருக்கிறார்கள்.