தென்னிந்தியாவின் பிரபல நடிகையான சாய் பல்லவி சமீபத்தில் ஒரு தொலைக்காட்சி நிகழ்ச்சியில் கலந்து கொண்டார். அப்போது நிகழ்ச்சியின் தொகுப்பாளர், “நீங்கள் யாரை சந்திக்க விரும்புகிறீர்கள்?” என்ற கேள்வியை சாய் பல்லவியிடம் முன்வைத்தார்.

அதற்கு சாய் பல்லவி மிக நேரடியாக, “நான் ரத்தன் டாடாவை சந்திக்க விரும்புகிறேன்,” என கூறினார். மேலும், இந்த ஆசை தனது மனதில் கடந்த இரண்டு வருடங்களாக தொடர்ந்து இருக்கிறது என்றும், ரத்தன் டாடாவை சந்திக்க வேண்டும் என்ற எண்ணம் நிறைவேற இல்லை  என்றும் தெரிவித்துள்ளார்.

ரத்தன் டாடா, தனது மனிதநேயத்திற்கும், தொழில்முறை ஒழுக்கத்திற்கும் பெயர் பெற்றவர். அவரது வாழ்க்கை முறையும் சமூகத்திற்கு அவரளிக்கும் பங்களிப்புகளும் சாய் பல்லவியை மிகவும் ஈர்த்துள்ளன. பொதுவாகவே, தன்னை ஈர்க்கும் நபர்களைப் பற்றிய கவனமும் ஆர்வமும் கொண்டிருக்கும் சாய் பல்லவி, எளிமையான வாழ்க்கை முறையையும், நேர்மையான அன்பையும் வாழ்வில் பின்பற்றிச் செல்கிறார். ரத்தன் டாடாவை சந்திப்பது தனது கனவுகளில் ஒன்றாகவே உள்ளது என்று அவர் இதற்குப் பின்னர் மேலும் விளக்கமளித்தார்.

சாய் பல்லவியின் இந்த கருத்து அவரது ரசிகர்களிடையே பெரும் வரவேற்பைப் பெற்றது.