தென்னிந்திய சினிமாவில் முன்னணி நடிகையாக இருப்பவர் லேடி சூப்பர் ஸ்டார் நயன்தாரா. இவர் தற்போது டெஸ்ட் மற்றும் மண்ணாங்கட்டி ஆகிய படங்களில் நடித்து வரும் நிலையில் மலையாள சினிமாவில் நிவின் பாலி நடிக்கும் டியர் ஸ்டூடண்ட்ஸ் என்ற படத்தில் கமிட் ஆகியுள்ளார். இந்நிலையில் நடிகை நயன்தாரா தற்போது நடிகர் மம்மூட்டி நடிக்கும் புதிய மலையாள படத்தில் நடிக்க இருப்பதாக தகவல் வெளிவந்துள்ளது. 72 வயதிலும் இளம் ஹீரோ போல் வலம் வருபவர் மம்மூட்டி.

இவருக்கு ஜோடியாக நயன்தாரா ஏற்கனவே 2 படங்களில் நடித்துள்ள நிலையில் தற்போது 3-வது முறையாக அவருடன் நடிக்க இருக்கிறார். இந்தப் படத்தை இயக்குனர் கௌதம் மேனன் இயக்க இருப்பதாக கூறப்படுகிறது. இதற்கு முன்னதாக கௌதம் மேனன் இயக்கத்தில் நயன்தாரா நடித்ததில்லை. மேலும் இப்படம் உறுதி செய்யப்பட்டால் கௌதம் மேனன் இயக்கத்தில் நயன்தாரா நடிக்கும் முதல் படமாக இது அமையும் என்பது குறிப்பிடத்தக்கதாகும்.