தமிழ் சினிமாவின் முன்னணி இயக்குனர் சிறுத்தை சிவா. 2011 ஆம் வருடம் சிறுத்தை படத்தை இயக்கி இயக்குனராக அறிமுகமானார். கார்த்தி , தமன்னா நடித்த இந்த படம் செம ஹிட் அடித்தது. இதனையடுத்து வீரம், வேதாளம், விவேகம், விசுவாசம் போன்ற தொடர் வெற்றி படங்களை எடுத்தார். ரஜினியை வைத்து அண்ணாத்த, சூர்யாவை வைத்து கங்குவா படங்களை எடுத்தார்.

இந்த நிலையில் 14 வருடங்களுக்குப் பிறகு சிவா – கார்த்தி கூட்டணி மீண்டும் இணைய இருப்பதாக தகவல் வெளியாகியுள்ளது. இந்த படம் அதிரடி படமாக எடுக்கப்பட இருப்பதாகவும் கார்த்தி தற்போது சர்தார்-2, வா வாத்தியாரே படங்களில் நடித்து வருகிறார். இந்த படத்தை தொடர்ந்து லோகேஷ் கனகராஜின் கைதி-2 படத்தில் நடிக்கப் போவதாகவும் பேசப்படுகிறது. இதனை அடுத்து தான் கார்த்தி- சிவா கூட்டணி கைகோர்க்கும் என்று எதிர்பார்க்கப்படுகிறது.