தமிழ் திரை உலகின் முன்னணி இயக்குனர்களில் ஒருவர் பா.ரஞ்சித். இவர் படங்கள் இயக்குவது  மட்டுமல்லாமல் தயாரிப்பதையும் வாடிக்கையாகக் கொண்டுள்ளார். நீலம் ப்ரொடக்ஷன் என்ற பட தயாரிப்பு நிறுவனத்தையும் தொடங்கியுள்ளார். இது சார்பாக இதுவரை ஜே பேபி, ப்ளூ ஸ்டார்,  பாட்டில் ராதா என பல படங்களை தயாரித்துள்ளார். இந்த நிலையில் நீலம் புரொடக்ஷன் தயாரிக்கும் புதிய படத்தில் நடிப்பதற்கு நடிகர், நடிகைகள், குழந்தை நட்சத்திரங்கள் தேவை என்று அறிவிக்கப்பட்டுள்ளது.

அதன்படி 20 முதல் 50 வயதுக்கு உட்பட்ட ஆண்கள் ,பெண்கள், ஐந்து முதல் ஒன்பது வயதுக்குட்பட்ட குழந்தைகள் நடிக்க விண்ணப்பிக்கலாம் .விண்ணப்பிப்போர் மாநிறமாக இருக்க வேண்டும் என்று தெரிவிக்கப்பட்டுள்ளது.  மேலும் இதில் கலந்து கொள்ள விரும்புவர்கள் விண்ணப்பத்துடன் புகைப்படங்கள் மற்றும் ஒரு நிமிட சுய விளக்க வீடியோவை அனுப்ப வேண்டும் என்றும் தெரிவிக்கப்பட்டுள்ளது. மேலும் இதற்காக செல்போன் நம்பர் மற்றும் மின்னஞ்சல் முகவரியும் வழங்கப்பட்டுள்ளது.