ஜம்மு காஷ்மீரின் பஹல்காம் பகுதியில் நடைபெற்ற பயங்கரவாத தாக்குதலுக்குப் பிறகு, நாட்டின் பல பகுதிகளில் பாகிஸ்தானுக்கு எதிரான போராட்டங்கள் தீவிரமடைந்துள்ளன. இந்த நிலையில், ஸ்ரீ கிருஷ்ணா ஜென்மபூமி கோயில் வழக்கின் முக்கிய வழக்கறிஞரும் ஆன்மீக தலைவருமான தினேஷ் ஃபலஹரி மகாராஜ், அமெரிக்க அதிபர் டொனால்ட் டிரம்பிற்கு இரத்தத்தால் கடிதம் எழுதி, பாகிஸ்தானை அதிகாரப்பூர்வமாக பயங்கரவாத நாடாக அறிவிக்குமாறு கோரிக்கை விடுத்துள்ளார்.

அந்த கடிதத்தில் அவர், “பாகிஸ்தான், பயங்கரவாதிகளின் மையமாக மாறி விட்டது. அங்கு நூற்றுக்கணக்கான பயங்கரவாத முகாம்கள் இயங்கி வருகின்றன. ஒசாமா பின்லாடனை  பாகிஸ்தானுக்குள் நுழைந்து நீங்கள் சாய்த்தீர்கள். உங்கள் நண்பரான நரேந்திர மோடியும் புல்வாமா தாக்குதலுக்குப் பதிலடியாக, பாகிஸ்தானுக்குள் நுழைந்து பயங்கரவாதிகளை அழித்தார்,” என பதிவிட்டுள்ளார். மேலும், “பாகிஸ்தான் மீது கடும் நடவடிக்கை எடுக்கப்பட்டாலே உலகில் அமைதி நிலவும்; பயங்கரவாதம் ஒடுக்கப்படும்,” என்று குறிப்பிட்டுள்ளார்.

அதே நேரத்தில், கடந்த 3 ஆண்டுகளாக மதுராவின் கோவிலில் உள்ள மசூதியை அகற்றும் வரை அங்கு தங்க மாட்டேன், ஜவ்ஹாரத்து (அடிக்கடி உணவு) உட்பட எந்தச் சலுகையையும் பெற மாட்டேன் என்று சபதமிட்ட தினேஷ் ஃபலஹரி, இன்று வரை அந்த உறுதியை கடைப்பிடித்து வருவதாகவும் கூறப்படுகிறது. அவரது இந்த இரத்தக் கடிதம் மற்றும் அதில் இடம்பெற்ற கருத்துகள் தற்போது சமூக ஊடகங்களில் பரவலாக வைரலாகி வருகிறது. இதனை X பக்கத்தில் பதிவிட்டு, உலக தலைவர்களிடமும் கவனம் பெற்றுள்ளார்.