இன்றும் நாளையும் சவுதி அரேபியாவில் இருக்கும் ஜட்டா நகரில் ஐபிஎல் 2025 சீசனுக்கான மெகா வீரர்கள் ஏலம் நடைபெற உள்ளது. இன்று பிற்பகல் 3:30 மணிக்கு ஏலம் தொடங்குகிறது. இதனை ஸ்டார் ஸ்போர்ட்ஸ் சேனல் நேரடியாக ஒளிபரப்பு செய்கிறது. ஜியோ சினிமா செயலியிலும் அதனை பார்க்கலாம். 1574 வீரர்கள் ஏலத்திற்காக தங்களது பெயரை பதிவு செய்தனர். அதில் 574 பேர் கொண்ட இறுதிப்பட்டியல் தயார் செய்யப்பட்டது.
அதில் இந்திய வீரர்கள் 366 பேர். வெளிநாட்டு வீரர்கள் 208 பேர். ரிஷப் பண்ட், ஸ்ரேயாஸ் ஐயர் உள்ளிட்ட 81 வீரர்கள் அடிப்படை தொகையாக 2 கோடி ரூபாயை நிர்ணயம் செய்துள்ளனர். அதிகபட்சமாக பஞ்சாப் அணி 110 கோடி 50 லட்சம் ரூபாய் பணத்தை இருப்பு வைத்துள்ளது. சென்னை அணி 55 கோடி, பெங்களூர் அணி 83 கோடி, மும்பை அணி 45 கோடி, ராஜஸ்தானி 41 கோடி இருப்பு வைத்துள்ளது.
இந்நிலையில் ஐபிஎல் மெகா ஏலம் தொடங்கிய நிலையில் தற்போது டேவிட் மில்லரை லக்னோ சூப்பர் ஜெயண்ட்ஸ் அணி 7.5 கோடி ரூபாய்க்கு வாங்கியுள்ளது. மேலும் தென்னாப்பிரிக்க அணி வீரர் டேவிட் மில்லர் கடந்த உலகக்கோப்பை போட்டியில் சிறப்பாக விளையாடிய நிலையில் தற்போது அவரை லக்னோ அணி தட்டி தூக்கியது
