பிரதீப் ரங்கநாதன் நடிப்பில் உருவாகி கடந்த வாரம் வெளியான படம் டிராகன். இந்த படம் வசூலில் பட்டையை கிளப்பி வருகிறது. ஓ மை கடவுளே படத்தின் மூலமாக இயக்குனராக தமிழ் சினிமாவில் அறிமுகமானவர் அஸ்வத் மாரிமுத்து. ஏஜிஎஸ் நிறுவனம் தயாரித்துள்ளது. இந்த படத்தை பிரதீப் ரங்கநாதனோடு இணைந்து அனுபாமா பரமேஸ்வரன,  கயாடு லோகர், மிஷ்கின்,  உள்ளிட்ட பலரும் நடித்திருந்தார்கள்.

இந்த படம் வணிக ரீதியாக 100 கோடிக்கு மேல் வசூலாகி சாதனை படைத்துள்ளது. இதனையடுத்து பலரும் பாராட்டி வருகிறார்கள். இந்த நிலையில் நடிகர் ரஜினிகாந்தை நேரில் சந்தித்து பிரதீப் ரங்கநாதன் வாழ்த்து பெற்றுள்ளார். இது தொடர்பாக அவர் பகிர்ந்த புகைப்படத்தோடு “தலைவர் அந்த சிகரெட்டை ஸ்டைலை செய்தபோது அங்கேயே விழுந்துவிட்டேன்.. கடவுளுக்கு நன்றி” என்று குறிப்பிட்டுள்ளார்.