பல ஆண்டுகளுக்குப் பிறகு, பிரபல தயாரிப்பாளரும், ஸ்ரீதேவியின் கணவருமான போனி கபூர், தனது மனைவியின் மரணத்திற்கு காரணமான பின்னணி குறித்து பேசினார். “தன்னை திரையில் அழகாகவே காட்ட வேண்டுமென்பதற்காக ஸ்ரீதேவி மிக கடுமையான உணவு கட்டுப்பாட்டை பின்பற்றி வந்தார்.
அவருக்கு எடை குறைக்க வேண்டும் என்ற எண்ணம் இருந்தது. சில நேரங்களில் பட்டினி இருந்து மயக்கம் ஏற்படுவதும் வழக்கம்” என தெரிவித்தார். “ஆங்கில விங்கிலிஷ் படத்தில் கூட அவர் மிக மெலிந்தே தெரிந்தார். அப்போது அவர் எடை 46-47 கிலோ தான்,” என போனி கபூர் நினைவுகூர்ந்தார்.
View this post on Instagram
பொதுவாக திரையுலக பெண்கள் உப்பைத் தவிர்ப்பதுண்டு. இதுவே ஸ்ரீதேவியின் உடல்நல பாதிப்புகளுக்கான ஒரு காரணமாகவும் இருந்தது என அவர் கூறினார்.
ஸ்ரீதேவி 2018 பிப்ரவரி 24ஆம் தேதி துபாயில் உள்ள ஜுமேரா எமிரேட்ஸ் டவேரில் உள்ள ஹோட்டல் அறையில் உயிரிழந்தார். ஆரம்பத்தில் இதை இதய பாதிப்பு எனக் கூறியிருந்தாலும், பின்னர் துபாய் போலீசார் வழக்கை மக்கள் வழக்கு ஆணையத்திடம் ஒப்படைத்து விசாரணை மேற்கொண்டனர்.
இறுதியில் துபாய் மருத்துவ பரிசோதனை துறை ஸ்ரீதேவி தண்ணீரில் மூழ்கி இறந்ததாக அறிவித்தது. உயிரிழப்பதற்கு முன்பு ஸ்ரீதேவி மது குடித்திருந்ததும் தெரியவந்தது.. அவரது நுரையீரல்களிலும் தண்ணீர் இருப்பது கண்டறியப்பட்டது.
