தமிழ்நாடு கால்நடை மருத்துவரின் பல்கலைக்கழகத்தின் கீழ் ஏழு இடங்களில் கால்நடை மருத்துவக் கல்லூரிகள் செயல்பட்டு வருகின்றன. இந்த கல்லூரிகளில் ஐந்தரை ஆண்டுகள் கொண்ட கால்நடை மருத்துவம் மற்றும் பராமரிப்பு படிப்புகள் உள்ளது. இதனைத் தவிர நான்கு ஆண்டுகள் கொண்ட பட்டப்படிப்புகளும் உள்ளன. இந்த நிலையில் இளநிலை கால்நடை மருத்துவ படிப்பில் சேர மாணவர்களிடமிருந்து 14 ஆயிரத்து 500 விண்ணப்பங்களும், தொழில்நுட்ப படிப்புகளுக்கு 3000 விண்ணப்பங்களும் பெறப்பட்டுள்ளன.

இந்த நிலையில் இளநிலை கால்நடை மருத்துவ படிப்புக்கான தரவரிசை பட்டியல் இன்று காலை 10 மணிக்கு வெளியாகும் என தெரிவிக்கப்பட்டுள்ளது. தரவரிசை பட்டியலை மாணவர்கள் https://adm.tanuvas.ac.in என்ற இணையதளம் மூலம் அறிந்து கொள்ளலாம்.