தமிழ் சினிமாவின் முன்னணியின் நடிகர் விக்ரம். இவர் தன்னுடைய 66வது படம் வீரதீரசூரன் இரண்டாம் பாகத்தில் நடித்து முடித்துள்ளார். இந்த படத்தை சித்தா பட இயக்குனர் அருண்குமார் இயக்கி உள்ளார்.  இந்த படத்தில் எஸ் ஜே சூர்யா உள்ளிட்ட பலரும் நடித்துள்ளார்கள் . மேலும் விக்ரமிற்கு ஜோடியாக துஷாரா விஜயன் நடித்துள்ளார். ஜிவி பிரகாஷ் இந்த படத்திற்கு இசையமைத்துள்ளார். இந்த படம் நாளை வெளியாக உள்ள நிலையில் படத்தின் ப்ரோமோஷன் பணிகள் நடைபெற்று வருகிறது.

இந்த நிலையில் நேற்று தனியார் பெண்கள் கல்லூரியில் நடைபெற்ற நிகழ்ச்சியில் விக்ரம் மற்றும் பட குழுவினர் கலந்து கொண்டார்கள்.  அப்போது பேசிய விக்ரம், “முன்பெல்லாம் காதல் தோல்வி என்றால் தான் தாடி வளர்ப்பார்கள். இப்போது காதலிப்பதற்காகவே தாடி வளர்க்கிறார்கள். தொடர்ச்சியாக இப்போது எல்லா படங்களிலும் நானும் தாடி வளர்க்கிறேன்” என்று கூறியுள்ளார்.