பிரபல இயக்குனரான மணிரத்தினம் இயக்கத்தில் கமலஹாசன் தக் லைப் திரைப்படத்தில் நடித்துள்ளார். சுமார் 34 ஆண்டுகளுக்கு பிறகு கமல்ஹாசனும் மணிரத்தினமும் இணைந்துள்ளனர். சிம்பு, திரிஷா, நாசர், அபிராமி, கௌதம் கார்த்திக், ஐஸ்வர்யா ராஜேஷ் உள்ளிட்ட பலர் முக்கிய கதாபாத்திரத்தில் நடித்துள்ளனர்.

தக் லைப் படத்திற்கு ஏ.ஆர் ரகுமான் இசையமைத்துள்ளார். இந்த படத்தை ராஜ்கமல் ஃபிலிம் இன்டர்நேஷனல் மற்றும் மெட்ராஸ் டாக்கீஸ் இணைந்து தயாரிக்கிறது. இந்த படத்தை ரெட்ஜெயன்ட் மூவிஸ் நிறுவனம் வெளியிட உள்ளது. படத்தின் சூட்டிங் ஏற்கனவே முடிவடைந்து விட்டது. இன்று கமல்ஹாசன் பிறந்த நாளை முன்னிட்டு தக் லைப் படத்தின் அப்டேட் வெளியாகும் என ஏற்கனவே அறிவிக்கப்பட்டது. படம் அடுத்த ஆண்டு ஜூன் 5 ரிலீஸ் ஆவதாக டீசர் வெளியானது.