ராஜஸ்தானின் புஷ்கரில் நடந்த மிகப்பெரிய ஒட்டகக் கண்காட்சியில் எடுக்கப்பட்ட ஒரு காணொளி, ஒட்டகங்கள் குறித்த புத்தக அறிவை கேள்விக்குள்ளாக்கியுள்ளது. ‘பாலைவனக் கப்பல்’ என்று அழைக்கப்படும் ஒட்டகங்கள், தண்ணீர் இல்லாமல் 7 முதல் 10 நாட்கள் வரை உயிர்வாழ முடியும் என்று பொதுவாகக் கற்பிக்கப்படும் நிலையில், ஒரு வீடியோ பதிவர் ஒட்டக உரிமையாளரிடம் இதுகுறித்துக் கேள்வியெழுப்பினார்.
“ஒட்டகம் ஒரு முறை தண்ணீர் குடித்தால், எத்தனை நாட்களுக்குத் தாகம் எடுக்காது?” என்று பதிவர் கேட்டதற்கு, ஒட்டக உரிமையாளர், “ஒரு மனிதன் குடிக்கும் தண்ணீருடன் ஒப்பிட்டால், ஒட்டகத்திற்கு ஒரு நாளைக்கு இரண்டு முறை உணவளிக்க வேண்டும்” என்று பதிலளித்தார்.
இதையடுத்து, பதிவர் மீண்டும், “ஏழு நாட்கள் தண்ணீர் குடிக்காவிட்டாலும் ஒட்டகம் உயிர்வாழும் என்று சொல்வது உண்மையா?” என்று கேட்டபோது, ஒட்டக உரிமையாளர், “இல்லை, அது தண்ணீர் இல்லாமல் வாழாது. தீவனம் இல்லாமல் 4-5 நாட்கள் உயிர்வாழும். ஆனால், தண்ணீர் இல்லாமல் வாழாது. நீங்கள் சாப்பிடாதபோது, உங்களுக்குத் தாகம் எடுக்கும் இல்லையா? தண்ணீர் அவசியம்” என்று திட்டவட்டமாகப் பதிலளித்தார்.
View this post on Instagram
“>
வயது மற்றும் அதன் இயல்பைப் பொறுத்து ஒவ்வொரு ஒட்டகமும் வேறுபடும் என்றாலும், ஒட்டக உரிமையாளர் வெளிப்படுத்திய இந்த யதார்த்தமான உண்மை, நீண்ட காலமாக நம்பப்பட்ட தகவலுக்கு முரணாக இருப்பது குறித்துப் பொதுமக்கள் மத்தியில் விவாதம் எழுந்துள்ளது.
