உச்சநீதிமன்றம் நியமித்த விசாரணைக் குழு, மார்ச் 14-இல் உயர்நீதிமன்ற நீதிபதி யஷ்வந்த் வர்மாவின் இல்லத்தில் நடந்த தீ விபத்து சம்பவம் மற்றும் அதில் கண்டெடுக்கப்பட்ட ரூபாய் நோட்டுகள் தொடர்பான அறிக்கையை தலைமை நீதிபதி சஞ்சீவ் கண்ணாவிடம் சமர்ப்பித்துள்ளது.

இந்த அறிக்கையில், டெல்லியில் உயர்நீதிமன்ற நீதிபதி யஷ்வந்த் வர்மாவின் இல்லத்தில் ஏற்பட்ட தீ விபத்துக்கு பின்னர், சம்பவ இடத்தில் எரிந்த பணம் கண்டெடுக்கப்பட்டதையும், அவை தொடர்பான சாட்சியங்களையும் உறுதிப்படுத்தியுள்ளது.

இந்த நிலையில் நீதிபதி யஷ்வந்த் வர்மாவுக்கு இரண்டு நாட்களுக்குள் பதிலளிக்க அவகாசம் வழங்கப்பட்டுள்ளது. அவர் பதவி விலகவோ அல்லது பதவி நீக்கத்தை எதிர்கொள்ளவோ வாய்ப்பு அளிக்கப்பட்டுள்ளது. தலைமை நீதிபதி சஞ்சீவ் கண்ணா, ஓய்வு பெறும் முன்னதாகவே இந்த விவகாரத்தில் இறுதி முடிவை எடுப்பார் என எதிர்பார்க்கப்படுகிறது.

முக்கியமாக, அந்த தீ விபத்து தொடர்பான சிசிடிவி காட்சிகள், புகைப்படங்கள், முதல்முறையான சாட்சிகள் மற்றும் அவசர சேவைகளின் தகவல்கள் அனைத்தும் அறிக்கையில் அடங்கியுள்ளது.

விசாரணை குழுவின் அறிக்கை உண்மை நிலையை உறுதி செய்யும் நோக்கத்துடன் அமைந்தது மட்டுமே என தெரிவிக்கப்பட்டுள்ளது. இந்த விவகாரம் நீதித்துறையின் நம்பிக்கையையும், நேர்மையையும் பாதிக்கக் கூடும் என்பதால், விரைவில் கடுமையான நடவடிக்கைகள் எடுக்கப்படும் என எதிர்பார்க்கப்படுகிறது.