தமிழக வெற்றி கழகத்தின் (தவெக) நிர்வாகியும், பிரபல நடிகருமான செளந்தரராஜா சமீபத்தில் நடைபெற்ற பொதுக்கூட்டம் ஒன்றில் மேடையில் பேசியபோது, உணர்ச்சிவசப்பட்டுப் பேசிய பேச்சு தற்போது சமூக வலைதளங்களில் மிகப்பெரிய அளவில் விவாதப் பொருளாகவும், நகைச்சுவையாகவும் மாறி வருகிறது.
மேடையில் பெண்கள் மத்தியில் ஆவேசமாகப் பேசிவந்த அவர், “பெண்களாகிய உங்களுக்குப் பின்னால் அண்ணனாக நிற்போம், தம்பியாக நிற்போம், மாமனாக நிற்போம்…” என்று வரிசையாக உறவுகளைப் பட்டியலிட்டுக் கொண்டே வந்தவர், எதிர்பாராத விதமாக “கடைசியாக உங்களுக்குப் பின்னாடி புருஷனாக நிற்போம்!” என்று மேடையிலேயே உளறிக் கொட்டினார்.
தான் தவறாகப் பேசிவிட்டதை அடுத்த வினாடியே உணர்ந்த செளந்தரராஜா, உடனடியாகச் சற்று சுதாரித்துக்கொண்டு, “அதாவது… உங்களுடைய கணவர்கள் உங்களுக்குப் பின்னால் உறுதுணையாக நிற்பார்கள்” என்று கூறி நிலைமையைச் சமாளிக்க முயன்றார்.
இருப்பினும், தான் பேசிய பெரிய உளறலை நினைத்து மேடையிலேயே பதற்றமடைந்த அவர், “அய்யய்யோ உணர்ச்சிவசப்பட்டு தவறா பேசிட்டேனே! கண்டிப்பா இதை வச்சு என்னை சோசியல் மீடியால பயங்கரமா ட்ரோல் பண்ணிடுவாங்களே!” என்று மைக் முன்னாடியே புலம்பிய காட்சி அங்கிருந்தவர்களிடையே பெரும் சிரிப்பலையை ஏற்படுத்தியது.
கெத்தாகப் பேசத் தொடங்கி, இறுதியில் உணர்ச்சிவசப்பட்டுப் பேசிவிட்டு மேடையிலேயே ட்ரோல் பயத்தில் புலம்பிய நடிகர் செளந்தரராஜாவின் இந்த வீடியோ தற்போது இன்ஸ்டாகிராம், எக்ஸ் (ட்விட்டர்) போன்ற சமூக வலைதளங்களில் வைரலாகி நெட்டிசன்களின் கவனத்தை ஈர்த்து வருகிறது.
