குட் நைட் மற்றும் லவ்வர் ஆகிய இரண்டு திரைப்படங்களுமே நடிகர் மணிகண்டனின் நடிப்பில் வெளியாகி மக்களிடம் நல்ல வரவேற்பை பெற்றது. இரண்டுமே வணிக ரீதியாக வெற்றி பெற்றதை தொடர்ந்து மணிகண்டனை வைத்து குடும்பஸ்தன் திரைப்படத்தை இயக்குனர் ராஜேஸ்வர் காளிசாமி இயக்கியுள்ளார். இதுதான் இவர் இயக்குனராக அறிமுகமாகும் முதல் படம்.

இந்த படத்தில் இடம்பெற்றுள்ள ஜீரோ பேலன்ஸ் என்ற பாடல் கடந்த மாதம் வெளியாகி மக்கள் மத்தியில் வரவேற்பை பெற்றது. இந்நிலையில் படத்தின் இரண்டாவது பாடலான கண்ணக் கட்டிக்கிட்டு என்ற பாடல் வெளியாகி உள்ளது. இந்த பாடலை ஜிவி பிரகாஷ் பாடியுள்ளார். மேலும் இம்மாதம் 24ஆம் தேதி இந்த படம் வெளியாக இருப்பது குறிப்பிடத்தக்கது.