ஜேம்ஸ் கேமரூன் இயக்கத்தில் அவதார் படத்தின் முதல் பாகம் கடந்த 2009 ஆண்டு வெளியாகி ரசிகர்களை ஆச்சரியத்தில் உறைய வைத்தது. இந்தப் படம் வசூலிலும் சாதனை பெற்று, மூன்று ஆஸ்கார் விருதுகளை வென்றது. அதன் பிறகு 13 ஆண்டுகள் கழித்து அவதார் படத்தின் 2-ம் பாகம் அவதார் “தி வே ஆஃப் வாட்டர்” என்ற பெயரில் வெளியானது. இந்த படம் ஆங்கிலம் மட்டுமின்றி  தமிழ், தெலுங்கு, இந்தி, கன்னடம், மலையாளம் உள்ளிட்ட மொழிகளிலும் வெளியானது.

இந்தப் படமும் அதிக வசூல் பெற்றது. தற்போது அவதார் படத்தின் 3-ம் பாகம் வெளியாக உள்ளது. இந்தப் படத்தின் பர்ஸ்ட் லுக் போஸ்டர் வெளியாகியுள்ளது. இந்த படத்திற்கு அவதார் ஃபயர் அண்ட் அஷ் என்று பெயரிடப்பட்டுள்ளது. இந்தப் படம் வருகிற 2025 டிசம்பர் மாதம் வெளியாகும் என்று எதிர்பார்க்கப்படுகிறது.