இணையத்தில் எத்தனையோ விபரீதமான மற்றும் அதிர்ச்சியூட்டும் திருடன் பிடிக்கும் வீடியோக்களைப் பார்த்திருப்போம். ஆனால், சோஷியல் மீடியாவை தற்போது கலகலப்பாக்கி வரும் ஒரு வைரல் வீடியோ, கிராமத்து மக்களின் எதார்த்தமான மனிதநேயத்தையும், அப்பாவித்தனத்தையும் வெளிப்படுத்தி அனைவரையும் வியக்க வைத்துள்ளது. கிராமம் ஒன்றில் பிடிபட்ட திருடன் ஒருவனை, மக்கள் அடித்துத் துவைப்பார்கள் என்று நினைத்தால்… அதற்கு நேர்மாறாக அவனுக்குப் பரிமாறி வயிறாரச் சோறும் காய்கறியும் வழங்கி உபசரிக்கும் நெகிழ்ச்சியான மற்றும் நகைச்சுவையான சம்பவம் தான் இது.

அந்தத் திருடனும் தனக்கு வரவிருக்கும் விபரீதம் தெரியாமல் பசியின் காரணமாக அந்த உணவைச் சுவைத்துச் சாப்பிடுகிறான். ஆனால், உணவு தட்டைக் காலி செய்ததும் அடுத்த நொடியே தங்களை நோக்கி கேள்விக் கணைகள் பாயும் என்பதால், அவனால் நிம்மதியாகச் சாப்பிட முடியாமல் அழுதுகொண்டே சாப்பிடும் அந்தத் தருணம் பார்ப்பவர்களைச் சிரிக்கவும் வைக்கிறது, சிந்திக்கவும் வைக்கிறது.

இந்தச் சம்பவத்தை வீடியோவாகப் பதிவு செய்யும் நபர், அங்குள்ள ஒரு முதியவரிடம் சென்று, “உங்கள் வீட்டில் என்ன செய்தார் இவர்?” என்று கேட்கிறார். அதற்கு அந்தத் தாத்தா  “அடேய், இவன் எங்க வீட்ல திருடிட்டான்பா… ஆனா பாரு இவன் அதிர்ஷ்டம், மாட்டிக்கிட்டான்!” என்று கிண்டலாகச் சொல்கிறார். தொடர்ந்து, “திருடியனவனைப் பிடிச்சு வச்சுக்கிட்டு ஏன்யா இப்படி சோறு போட்டு கௌரவிக்கிறீங்க?” என்று ஆச்சரியமாகக் கேட்பவரிடம், அந்தத் தாத்தா சொன்ன பதில்தான் நெஞ்சை அள்ளுகிறது: “அடேய், பசியில இவன் செத்துட்டா நாங்க யாருப்பா பதில் சொல்றது? சாக விட்டுட முடியுமா?”

மேலும் அங்கிருந்த மக்களிடம் விசாரித்தபோது, அனைவரும் சிரித்தபடியே திருடியதை ஒப்புக்கொள்கிறார்கள். வீடியோ எடுத்தவரோ, “நம்ம பீகாரில் இன்னும் மனிதத்துவம் உயிரோடுதான் இருக்கிறது… இவங்களுக்கு வயிந்துல சோத்தைப் போட்டுட்டு அப்புறம் விசாரிப்போம், சொல்லாட்டி அப்புறம் வழக்கம்போல சம்மட்டி அடிதான்!” என்று கலகலப்பாக முடிக்கிறார். எக்ஸ் (X) வலைதளப் பக்கத்தில் பதிவிடப்பட்ட இந்த வீடியோ, இதுவரை 28 ஆயிரத்திற்கும் அதிகமான பார்வைகளைக் குவித்துள்ளது. நெட்டிசன்கள் தங்கள் பங்கிற்கு கமெண்ட்களைத் தெறிக்கவிட்டு வருகின்றனர்.