ஹரியாணா மாநிலம் கர்னால் பகுதியில் வனவிலங்குகள் கடத்தப்படுவதாக கிடைத்த தகவலின் அடிப்படையில் அதிகாரிகள் சோதனை மேற்கொண்டனர். அப்போது நீல நிற டிரம்ப்  சிலவற்றை அதிகாரிகள் திறந்து பார்த்துள்ளனர். அதற்குள் தண்ணீர் இருக்கும் என்று எதிர்பார்த்த நிலையில், உயிருடன் இருந்த ஆமைகள் கண்டுபிடிக்கப்பட்டன. இதையடுத்து அங்கு பரபரப்பு ஏற்பட்டது.

அதிகாரிகள் நடத்திய சோதனையில், நீல நிற டிரம்ப்க்குள் மறைத்து வைக்கப்பட்டிருந்த 8 உயிருள்ள ஆமைகள் மீட்கப்பட்டதாக தகவல் வெளியாகியுள்ளது. அவற்றை வெளியில் தெரியாத வகையில் பெட்டிகளுக்குள் வைத்து கொண்டு செல்ல முயன்றதாக கூறப்படுகிறது. இந்த ஆமைகள் எங்கிருந்து கொண்டு வரப்பட்டன, எங்கு கொண்டு செல்ல திட்டமிடப்பட்டது என்பது குறித்து விசாரணை நடைபெற்று வருகிறது.

ஆமைகளை இவ்வாறு மறைத்து எடுத்துச் செல்வது வனவிலங்கு பாதுகாப்பு தொடர்பான சட்ட விதிகளுக்கு எதிரானதாக இருக்கலாம் என்பதால், அதிகாரிகள் சம்பவத்தை தீவிரமாக விசாரித்து வருகின்றனர். மீட்கப்பட்ட ஆமைகள் பாதுகாப்பாக வைக்கப்பட்டுள்ளதாகவும், அவற்றின் உடல்நிலை குறித்து அதிகாரிகள் கண்காணித்து வருவதாகவும் தெரிவிக்கப்பட்டுள்ளது. இந்த சம்பவத்தின் பின்னணியில் மேலும் யாருக்கெல்லாம் தொடர்பு உள்ளது என்பதும் ஆய்வு செய்யப்படுகிறது.

நீல நிற டிரம்ப்க்குள் தண்ணீருக்கு பதிலாக உயிருள்ள ஆமைகள் இருந்த சம்பவம் பலரையும் அதிர்ச்சிக்குள்ளாக்கியுள்ளது. வழக்கமான பொருள் போல் தோன்றும் பெட்டிக்குள் வனவிலங்குகளை மறைத்து கடத்த முயன்றதாக கூறப்படும் இந்த சம்பவம் தற்போது கவனம் பெற்றுள்ளது. வனவிலங்கு கடத்தலை தடுக்க அதிகாரிகள் தொடர்ந்து நடவடிக்கை எடுத்து வருகின்றனர்.