இந்திய கிரிக்கெட் அணியின் தொடர்ச்சியான போட்டி அட்டவணைகளைக் கையாள்வதற்காக, பிசிசிஐ  முதன்முறையாகப் ‘பிரிவுப் பயிற்சி முறை’ எனப்படும் புதிய திட்டத்தைச் செயல்படுத்தத் தொடங்கியுள்ளது.

இதன்படி, இந்திய அணியின் முதன்மை தலைமைப் பயிற்சியாளரான கௌதம் கம்பீருக்குப் பணிச்சுமையைக் குறைக்கும் வகையில், வரவிருக்கும் அடுத்த டி20 தொடருக்கு இந்திய கிரிக்கெட் உலகின் ஜாம்பவான்களில் ஒருவரான வி. வி. எஸ். லக்ஷ்மண் தற்காலிகத் தலைமைப் பயிற்சியாளராகப் பொறுப்பேற்கவுள்ளார்.

இதுகுறித்து முக்கியமான சர்வதேசத் தொடர்கள் மற்றும் உலகக் கோப்பை போன்ற பெரிய போட்டிகளுக்கு இடையே வீரர்களுக்கும் பயிற்சியாளர்களுக்கும் போதிய ஓய்வு அளிக்கும் நோக்கில் இந்த அதிரடி மாற்றம் செய்யப்பட்டுள்ளது. தேசிய கிரிக்கெட் அகாடமியின் தலைவராக இருக்கும் லக்ஷ்மண், இதற்கு முன்பும் கம்பீருக்கு ஓய்வளிக்கப்படும் போது இந்திய அணியை வழிநடத்தியுள்ளார் என்பது குறிப்பிடத்தக்கது.

இந்நிலையில் இந்த புதிய அணுகுமுறை, கௌதம் கம்பீர் டெஸ்ட் மற்றும் ஒருநாள் போட்டிகளில் அதிக கவனம் செலுத்தவும், டி20 தொடர்களில் இளம் வீரர்களை லக்ஷ்மண் சிறப்பாக வழிநடத்தவும் உதவும் என்று எதிர்பார்க்கப்படுகிறது.