பாட்டாளி மக்கள் கட்சி (பா.ம.க.) சேலம் மேற்கு தொகுதி எம்.எல்.ஏ. அருளை கட்சியில் இருந்து நீக்கியதாகக் கட்சித் தலைவர் அன்புமணி ராமதாஸ் அறிவித்துள்ளார்.
“கட்சியின் கட்டுப்பாட்டை மீறும் வகையில் அருள் செயல்பட்டதால், ஒழுங்கு நடவடிக்கை குழுவின் பரிந்துரை அடிப்படையில் அவரை கட்சியிலிருந்து நீக்குகிறோம்” என அவர் வெளியிட்டுள்ள அறிக்கையில் தெரிவித்தார். மேலும், எம்.எல்.ஏ. அருளுடன் பா.ம.க.வினர் யாரும் தொடர்பில் இருக்கக் கூடாது என்றும் எச்சரிக்கை விடுக்கப்பட்டுள்ளதால், இந்த நடவடிக்கை கட்சியின் உள்நிலையில் பெரும் அதிர்வை ஏற்படுத்தியுள்ளது.
இந்த நடவடிக்கைக்கு எதிராக, பா.ம.க.வின் பல முக்கியத்துவம் வாய்ந்த தரப்பினர் கடும் கண்டனம் தெரிவித்துள்ளனர். எம்.எல்.ஏ. அருளள் கூறுகையில், “அன்புமணிக்கு செயல் தலைவருக்கு நீக்கும் அதிகாரம் இல்லை. அந்த அதிகாரம் கட்சியின் நிறுவனர் மற்றும் தலைவர் மருத்துவர் ராமதாஸ் ஐயாவுக்கு மட்டுமே உண்டு” என வலியுறுத்துகின்றனர். மேலும், பா.ம.க.வில் “ஒழுங்கு நடவடிக்கை குழு” என்ற அமைப்பே இல்லை என்றும், தற்போதைய நடவடிக்கை கட்சியின் விதிமுறைகளுக்கே முரணாக உள்ளது என்றும் குற்றம்சாட்டுகின்றனர்.
இதற்கிடையில், எம்.எல்.ஏ. அருளுக்கு ஆதரவாக சிலரின் பேச்சுக்கள் மற்றும் சமூக ஊடக பதிவுகள் வெளியாகி வருகின்றன. “நான் பல ஆண்டுகளாக அன்புமணியுடன் இருந்தோம், கட்சிக்காக வேலை பார்த்தோம். ஆனால் இப்போது அதிகாரத்தைக் கேள்விக்கேட்டு நீக்கம் செய்யப்படுவது நியாயமல்ல” என தெரிவித்தார்.
தற்போது, பா.ம.க.வில் அதிகாரப் போட்டி, ஒழுங்கு அமைப்பில் குழப்பம் போன்றவை வெளிப்படையாகவே தெரியத் தொடங்கியுள்ளன. இது எதிர்காலத்தில் கட்சியின் ஒருமைப்பாட்டில் பாதிப்பை ஏற்படுத்தக்கூடும் என்ற அரசியல் வட்டாரங்களில் கூறப்படுகிறது.
