சென்னை திருவான்மியூரில் நடைபெற்ற தமிழக வெற்றிக் கழகத்தின் (தவெக) முதலாவது பொதுக்குழுக் கூட்டத்தில் கட்சி தலைவர் விஜய் கலந்து கொண்டு உரையாற்றினார். இதில் அவர், 2026ம் ஆண்டு நடைபெறவுள்ள தமிழக சட்டப்பேரவை தேர்தலில் திமுகவுடனே நேரடி போட்டி இருக்கும் என்று உறுதியாகக் கூறினார். “தமிழ்நாடு இதுவரை சந்திக்காத ஒரு அரசியல் தேர்தலை அடுத்தாண்டு சந்திக்கப் போகிறது. அந்த தேர்தலில் தவெக மற்றும் திமுகவுக்கிடையே மட்டுமே நேரடி போட்டி நடக்கும்,” என அவர் வலியுறுத்தினார்.

திமுகவின் தேர்தல் கூட்டணியையும் விமர்சித்த விஜய், “திமுக வாக்குகளுக்காக காங்கிரஸுடன் கூட்டணி செய்கிறது; ஆனால் கொள்ளையடிப்பதற்காக பாஜகவுடன் மறைமுக அரசியல் கூட்டணியில் ஈடுபட்டுள்ளது” என்றார். இதன் மூலம் இருவரும் இரட்டைவேடத்தில் செயல்படுகின்றனர் என்றும் கூறினார். அவரின் இந்த அரசியல் நியாயீனம், தமிழக அரசியலில் புதிய தாக்கத்தை ஏற்படுத்தும் என அரசியல் வட்டாரங்களில் பேசப்படுகிறது.