பஹல்காம் பயங்கரவாத தாக்குதலுக்குப் பிறகு, இந்தியா–பாகிஸ்தான் உறவுகளில் கடும் பதற்றம் நிலவி வருகிறது. இந்த சூழலில், பாகிஸ்தான் சனிக்கிழமை தனது அப்தாலி எனப்படும் ஹட்ஃப்-2 பாலிஸ்டிக் ஏவுகணையை சோதனை செய்தது பெரும் கவனத்தை ஈர்த்துள்ளது.

சுமார் 450 கிலோமீட்டர் தூரம் வரை இலக்கை துல்லியமாக தாக்கக்கூடிய திறன் கொண்ட இந்த ஏவுகணை, நிலத்தில் இருந்து நிலத்திலுள்ள இலக்குகளை தாக்கும் வகையில் வடிவமைக்கப்பட்டதாக கூறப்படுகிறது.

பாகிஸ்தானின் விண்வெளி ஆராய்ச்சி மற்றும் மேம்பாட்டு அமைப்பான ‘SUPARCO’ உருவாக்கியதாகக் கூறப்படும் ஹட்ஃப்-2 ஏவுகணை, பாகிஸ்தானின் பழைய ஹட்ஃப்-1 திட்டத்திலிருந்து மேம்படுத்தப்பட்டுள்ளது. இருப்பினும், இந்த ஏவுகணை அணு ஆயுதங்களை சுமக்காது என்பதும் குறிப்பிடத்தக்கது.

இந்தியாவுடன் ஏற்படக்கூடிய மோதலை மனதில் வைத்தே பாகிஸ்தான் இந்த சோதனையை மேற்கொண்டதாக பாதுகாப்பு வட்டாரங்களில் விவாதிக்கப்படுகிறது. பஹல்காம் தாக்குதலுக்குப் பிறகு, இந்தியா சிந்து நதி நீர் ஒப்பந்தத்தை இடைநிறுத்தியதுடன், அட்டாரி–வாகா எல்லையை மூடியது.

இதன் பதிலாக, பாகிஸ்தான் ராணுவம் எல்ஓசியில் போர் நிறுத்த ஒப்பந்தங்களை மீறத் தொடங்கியதாக தெரிவிக்கப்படுகிறது. இந்திய ராணுவமும் கடுமையான பதிலடி நடவடிக்கைகளை மேற்கொண்டு வருவதாக அறிவிக்கப்பட்டுள்ளது.