உத்தரபிரதேச மாநிலம் கோரக்பூரின் சஹ்ஜன்வான் பகுதியில், ஒரு தனியார் பள்ளியில் பணியாற்றும் ஆசிரியை,  திருமணம் செய்வதாக கூறி நான்கு ஆண்டுகளாக பாலியல் துன்புறுத்தல் நடத்தப்பட்டதாக ஒருவர் மீது போலீசில் புகார் அளித்துள்ளார். இந்த புகாரின் அடிப்படையில், ஆட்டோ ஓட்டுநருக்கு எதிராக வழக்குப்பதிவு செய்யப்பட்டுள்ளது.

தகவலின்படி, அந்த ஆசிரியை பள்ளிக்குச் செல்ல வழக்கமாக ஒரே ஆட்டோவில் பயணம் செய்து வந்துள்ளார். இந்த பயணங்களின் போது அந்த ஆட்டோ ஓட்டுநருடன் நட்பு ஏற்பட்டு, அது பின்னர் நெருக்கமான உறவாக மாறியது. ஆசிரியின் சொல்படி, திருமணம் செய்வதாக வாக்குறுதி அளித்து, அந்த ஆட்டோ ஓட்டுநர் நான்கு ஆண்டுகளாக  உடலுறவு  கொண்டுள்ளார். ஆனால், பிறகு திருமணத்தை தவிர்த்து வந்ததால், ஆசிரியை சஹ்ஜன்வான் காவல் நிலையத்தில் புகார் அளித்துள்ளார்.

தற்போது அந்த ஆட்டோ ஓட்டுநர் வேலைக்குச் செல்லவில்லை என்றும், ஆசிரியும் பள்ளிக்குச் செல்வதை நிறுத்திவிட்டதாக கூறப்படுகிறது. இந்த புகாரின் பேரில், போலீசார் வழக்குப்பதிவு செய்து விசாரணையைத் தொடங்கியுள்ளனர். இதுகுறித்து சஹ்ஜன்வான் காவல் நிலைய பொறுப்பாளர் மகேஷ் சௌபே கூறுகையில், “வழக்கு பதிவு செய்யப்பட்டு, விசாரணை நடந்து வருகிறது. சம்பந்தப்பட்ட அனைத்து அம்சங்களையும் கருத்தில் கொண்டு நடவடிக்கை எடுக்கப்படும்” எனத் தெரிவித்தார்.

இந்த சம்பவம், திருமண உறவின் பெயரில் பெண்கள் சிக்கும் மோசடி, சமூகத்தில் விழிப்புணர்வு மிக முக்கியமானதாகும் என்பது மீண்டும் நிரூபிக்கப்பட்டுள்ளது..