மெர்சண்ட் நேவி அதிகாரியான சௌரப் ராஜ்புட் தன்னுடைய மனைவி முஸ்கான் ரஸ்தோகி மற்றும் அவளது காதலன் சஹில் ஷுக்லாவால் கொடூரமாகக் கொல்லப்பட்ட சம்பவம் பெரும் அதிர்ச்சியை ஏற்படுத்தியுள்ளது. மார்ச் 6-ம் தேதி, சௌரப்பின் சகோதரி சிங்கி, அவரது எண்ணிலிருந்து வந்த வாட்ஸ்அப் செய்தியை பெற்றார். அதில், ஹோலி பண்டிகைக்கு அவர் மீரட்டில் இருக்கிறாரா எனக் கேட்டிருந்தார். ஆனால், அந்த நேரத்தில் சௌரப் உயிரோடு இல்லை, அவரது உடல் சிமெண்ட் டிரம் ஒன்றில் புதைக்கப்பட்டிருந்தது. முதலில் சந்தேகமின்றி பதில் அளித்த சிங்கி, தொடர்ந்து அவருடன் பேச முயன்றபோது அவர் எந்த அழைப்பையும் ஏற்கவில்லை. இதனால் குடும்பத்தினர் போலீசில் புகார் அளிக்க, விசாரணையில் மிருகத்தனமான கொலையின் உண்மைகள் வெளிச்சத்துக்கு வந்தன.

காதல், போதை, கொடூரக் கொலை – தம்பதியரின் குடும்பங்களும் நீதிக்காக கண்ணீர் விடும் நிலை!

சௌரப், தனது 6 வயது மகளின் பிறந்தநாளுக்காக பிப்ரவரி 24-ம் தேதி லண்டனில் இருந்து வீட்டிற்கு வந்தார். அவர் சில நாட்களுக்கு தனது மகளைக் பள்ளியில் சேர்க்க சென்றிருந்ததாக சுற்றத்தார் தெரிவித்தனர். ஆனால், பின் அவர் காணாமல் போனபோது, முஸ்கான், அவர் ஓய்வெடுப்பதற்காக மலையேறி சென்றதாக நண்பர்கள் மற்றும் உறவினர்களிடம் கூறினார். உண்மையில், அவர் போதைப் பொருள் பழக்கத்திற்கு அடிமையான முஸ்கான், தனது காதலன் சஹிலுடன் சேர்ந்து சௌரபின் உடலை 15 துண்டுகளாக வெட்டி, சிமெண்ட் அடைத்து, ஒரு டிரம்மில் புதைத்திருந்தது. மேலும், யாருக்கும் சந்தேகம் வராமல் இருக்க, சௌரபின் மொபைலை அவர்களே பயன்படுத்தி, சமூக வலைதளங்களில் போஸ்ட் செய்து, வாட்ஸ்அப் மூலம் உறவினர்களுடன் உரையாடியுள்ளனர். ஆனால், தொடர்ச்சியாக அழைப்புகளை தவிர்த்ததால், குடும்பத்தினர் சந்தேகத்துடன் போலீசை அணுகினர்.

“அவளுக்கு வாழ நியாயமில்லை” – முஸ்கானின் பெற்றோர்கள் கோபக்குரல்!

போலீசார் முஸ்கான், சஹிலை விசாரித்தபோது, அவர்கள் குற்றத்தை ஒப்புக்கொண்டனர். அவர்களின் இரண்டாவது திட்டம், சிமெண்டில் அடைக்கப்பட்ட உடல் உறுப்புகளை முழுவதுமாக அழிக்க முயற்சி செய்வதாக இருந்தது. ஆனால், போலீசார் அவர்களை மீரட்டில் கைது செய்து, உடல் பகுதிகளை கைப்பற்றி  விசாரணைக்காக அனுப்பினர். முஸ்கானின் பெற்றோர்களே, “நாங்கள் அவரை (சௌரப்) மகனாகவே எண்ணினோம். ஆனால், அவள் (முஸ்கான்) அவரை கொன்றுவிட்டாள். நாங்கள் நீதிக்காக காத்திருக்கிறோம். அவளுக்கு தூக்கு தண்டனையே  சரியானது” என்று கூறி, கண்ணீர் விட்டனர். சௌரப் ராஜ்புட் தனது குடும்பத்தையும், சொத்துக்களையும் விட்டுவிட்டு, முஸ்கானுக்காக வாழ வந்தார், ஆனால் அதற்குப் பதிலாக கொல்லப்பட்டார். தற்போது, இந்த வழக்கு பெரும் பரபரப்பை கிளப்பி, சமூகத்தில் அதிர்ச்சி அலைகளை ஏற்படுத்தியுள்ளது.