ஏழு நாட்களில் அஜித்தின் விடாமுயற்சி படம் செய்துள்ள வசூல் விவரம் குறித்த தகவல் வெளியாகியுள்ளது.

தமிழ் திரையுலகில் முன்னணி நடிகராக வளம் வந்து கொண்டிருக்கும் நடிகர் அஜித். இவருடைய நடிப்பில் பிரமாண்டமாக உருவாகி கடந்த வாரம் வெளிவந்த திரைப்படம் தான் விடாமுயற்சி. இந்த படத்தை மகிழ் திருமேனி இயக்கியிருந்தார். இந்த படம் ரசிகர்கள் மத்தியில் பெரிதும் எதிர்பார்ப்போடு இருந்த நிலையில் கடந்த சில தினங்களுக்கு முன்பாக வெளியாகி நல்ல வரவேற்பு பெற்றதோடு கலவையான விமர்சனங்களை சந்தித்து வருகிறது.

படத்தி திரிஷா, அர்ஜுன், ரெஜினா மற்றும் ஆரவ் ஆகியோரின் நடிப்பையும் ரசிகர்கள் பாராட்டி வருகிறார்கள். எமோஷனலான ஆக்ஷன் கதை களத்தில் உருவான இந்த படம் முதல் நாளில் இருந்து உலக அளவில் வசூலில் பட்டையை கிளப்பி வருகிறது என்றே சொல்லலாம். வெற்றிகரமாக ஏழு நாட்கள் பாக்ஸ் ஆபிசில் கடந்துள்ள இந்த படம் உலக அளவில் இதுவரை செய்துள்ள வசூல் குறித்த தகவல் வெளியாகியுள்ளது.

அதாவது இந்த படம் உலக அளவில் 7 நாட்களில் 140 கோடிக்கு மேல் வசூல் செய்துள்ளது. இனிவரும் நாட்களில் இந்த படத்தின் வசூல் எப்படி இருக்கும்? என்பதை நாம் பொறுத்திருந்துதான் பார்க்க முடியும்.