சென்னை மாநகராட்சியில் லஞ்சப் பேயும், ஊழல் அதிகாரிகளின் அட்டகாசமும் எல்லை கடந்து போய்க்கொண்டிருந்த வேளையில், தப்பு செய்தவர்களைத் தட்டித் தூக்கும் விதமாக அதிரடி உத்தரவு ஒன்று பிறப்பிக்கப்பட்டுள்ளது. மாநகராட்சியில் மக்கள் பணத்தைக் கொள்ளையடித்து, அரசு வேலை வாங்கித் தருவதாக ஏழை எளிய மக்களிடம் லட்சக்கணக்கில் மோசடி செய்த புகாரில் சிக்கிய உயர் அதிகாரிகள் உட்பட 6 பேர் அதிரடியாகப் பணியிடை நீக்கம் (சஸ்பெண்ட்) செய்யப்பட்டுள்ளனர்.

இந்தச் அதிரடி நடவடிக்கை சென்னை மாநகராட்சி வட்டாரத்தில் உள்ள மற்ற அதிகாரிகள் மத்தியில் இப்போதே சிம்ம சொப்பனமாக மாறி, பெரும் கலக்கத்தை ஏற்படுத்தியுள்ளது. ​அரசு வேலைக்காகக் காத்துக் கிடக்கும் அப்பாவி இளைஞர்களின் ஆசையைத் தங்களுக்குச் சாதகமாகப் பயன்படுத்திக் கொண்ட இந்த அதிகாரிகள், சென்னை மாநகராட்சியில் வேலை வாங்கித் தருவதாகக் கூறி லட்சக்கணக்கில் பணத்தை வாங்கி மோசடி செய்துள்ளனர்.

இதுமட்டுமல்லாமல், மாநகராட்சி நிதியில் பல லட்சங்களை முறைகேடு செய்ததாகவும், பல கோப்புகளில் லஞ்சம் வாங்கிக் கொண்டு கையெழுத்துப் போட்டதாகவும் அடுக்கடுக்கான புகார்கள் கமிஷனர் அலுவலகத்திற்குச் சென்றுள்ளன. இந்தப் புகார்கள் குறித்து ரகசியமாகத் தனிப்படை அமைத்து விசாரணை நடத்தப்பட்டதில், அதிகாரிகள் செய்த அனைத்துக் தில்லுமுல்லுகளும் ஆதாரங்களுடன் அம்பலமாகின. இதையடுத்து, துளியும் தயங்காமல் அதிரடி காட்டிய மாநகராட்சி ஆணையர் சமீரன், குற்றம் சாட்டப்பட்ட 6 அதிகாரிகளையும் உடனடியாகச் சஸ்பெண்ட் செய்து உத்தரவிட்டுள்ளார்.

அத்தோடு நிறுத்தாமல், வேலை வாங்கித் தருவதாகப் பெரும் மோசடியில் ஈடுபட்ட அந்த 6 அதிகாரிகளில் 4 பேர் மீது உடனடியாகக் குற்றவியல் (Criminal Action) நடவடிக்கை எடுத்து, அவர்களைக் கம்பிகளுக்குப் பின்னால் தள்ள வேண்டும் என்றும் போலீசாருக்கு அதிரடி உத்தரவு பிறப்பித்துள்ளார். லஞ்சம் வாங்கிக் கொழுத்த அதிகாரிகளுக்கு மாநகராட்சி கமிஷனர் சமீரன் கொடுத்துள்ள இந்த மரண சவுக்கடி, சென்னை வட்டாரத்தில் பெரும் பரபரப்பை ஏற்படுத்தியுள்ளது.