உலகளாவிய நடனக் குழுவாக உருவெடுத்துள்ள நார்வே-பாகிஸ்தானிய குயிக் ஸ்டைல், தங்கள் புதிய இசை காணொளியான “சிக்கன் பிரியாணி” மூலம் இணையத்தை கலக்கியுள்ளனர். இப்போது இணையத்தில் வைரலாகி வரும் இந்த வீடியோ, வெறும் உணவு பற்றியது அல்ல.
குழுவின் முக்கிய உறுப்பினர்களான சுலேமான், பிலால் மற்றும் நசீர் ஆகியோர் இணைந்து, இந்த வீடியோவில் பிரியாணி மீதான காதலை நகைச்சுவையுடனும் நடனத்துடனும் வெளிப்படுத்தியுள்ளனர்.
View this post on Instagram
ரசிகர்கள், “இந்த வீடியோவைப் பார்த்தவுடன் பிரியாணி சாப்பிட ஆசை வருகிறது”, “இந்த பாடல் என் மனதில் இடம் பிடித்து விட்டது” என உருக்கமாகக் கூறியுள்ளனர். குயிக் ஸ்டைல் வெறும் நடனக்குழு அல்ல; அவர்கள் கலாச்சாரத்தை உலகளாவிய ரீதியில் கொண்டாடும் ஒரு கலை இயக்கம் என்பதை மீண்டும் நிரூபிக்கிறது.
“சிக்கன் பிரியாணி” பாடல், தெற்காசிய புலம்பெயர்ந்தோரின் உணர்வுகளையும், உலகெங்கும் உள்ள உணவுப் பிரியர்களின் மகிழ்ச்சியையும் ஒரே நேரத்தில் தொட்டுள்ளது. இசை, நகைச்சுவை, உணவுப் பாசம், மற்றும் நடனக் கலை—all-in-one என்கிற வகையில், இது இணையத்தின் புதிய விருப்பமான வெளியீடாக விளங்குகிறது.
