ஆசிய விளையாட்டுப் போட்டியின் ஆடவர் கிரிக்கெட் போட்டியின் இறுதிப் போட்டியில் இந்தியா மற்றும் ஆப்கானிஸ்தான் அணிகள் மோதுகிறது.

2023 ஆசிய விளையாட்டுப் போட்டியில் ஆடவர் கிரிக்கெட்டின் இறுதிப் போட்டியில் இந்தியா – ஆப்கானிஸ்தான் அணிகள் இன்று மோதுகின்றன. இந்த போட்டியில் இந்திய அணி வெற்றி பெற்றால் ஆசிய ஆடவர் கிரிக்கெட் போட்டியில் முதல் தங்கத்தை இந்தியா வெல்லும். ஏனெனில் இந்திய பெண்கள் அணி ஏற்கனவே தங்கள் பிரிவில் தங்கத்தை வென்றுள்ளது. எனவே மகளிர் அணியை  போலவே இந்திய அணி தங்கத்தை தட்டி தூக்கும் என எதிர்பார்க்கப்படுகிறது.

அக்டோபர் 6 ஆம் தேதி வெள்ளிக்கிழமை நடந்த முதல் அரையிறுதி ஆட்டத்தில், இந்தியா வங்காளதேசத்தை 9 விக்கெட் வித்தியாசத்தில் வீழ்த்தி இறுதிப்போட்டிக்குள் வந்துள்ளது. இந்திய அணி 9.2 ஓவர்களில் 97 ரன்களைத் துரத்த, திலக் வர்மா அரைசதம் விளாசினார். கேப்டன் ருதுராஜ் கெய்க்வாட் 40 ரன்கள் எடுத்தார்.