சமூக ஊடகங்களில் சமீபத்தில் வைரலாகி வரும் ஒரு வீடியோ இணையவாசிகளிடையே பெரும் பரபரப்பை ஏற்படுத்தியுள்ளது. மெட்ரோ இரயில் ஒன்றில் பயணித்த இளம் பெண் ஒருவர், தனது தோழியுடன் அமர்ந்து கொண்டு ஒரு புத்தகத்தைப் படித்துக் கொண்டிருக்கிறார்.
மேலும் அந்தப் புத்தகத்தின் அட்டைப்படத்தில் “ஆண்களை எப்படிக் கொலை செய்துவிட்டுத் தப்பிப்பது” என்ற அதிர்ச்சியூட்டும் தலைப்பு எழுதப்பட்டிருந்ததுதான் இந்த விவாதத்திற்குக் காரணம். ஒரு பொது இடத்தில் பெண் ஒருவர் இத்தகைய தலைப்பைக் கொண்ட புத்தகத்தை சாதாரணமாக வாசிப்பது பலரையும் ஆச்சரியத்திலும் அதிர்ச்சியிலும் ஆழ்த்தியுள்ளது.
இந்த வீடியோ வைரலானதைத் தொடர்ந்து, நெட்டிசன்கள் பலதரப்பட்ட கருத்துக்களைப் பகிர்ந்து வருகின்றனர். ஒரு தரப்பினர் அந்தப் பெண்ணையும், புத்தகத்தின் ஆசிரியரையும் கடுமையாக விமர்சித்து தங்களது கண்டனங்களைப் பதிவு செய்து வருகின்றனர்.
அதே சமயம், மற்றொரு தரப்பினர் “ஒரு புத்தகத்தை அதன் தலைப்பை மட்டும் வைத்து எடை போடக் கூடாது, தலைப்பு என்பது முழு கதையையும் குறிப்பதில்லை” என்று அந்தப் பெண்ணிற்கு ஆதரவாகக் கருத்து தெரிவித்துள்ளனர். சிலர் இதே இடத்தில் “பெண்களை எப்படிக் கொலை செய்வது” என்ற தலைப்பு இருந்திருந்தால் இந்நேரம் ஒட்டுமொத்த சமூகமும் கொதித்தெழுந்திருக்கும் என்றும் தங்களது ஆதங்கத்தை வெளிப்படுத்தி வருகின்றனர்.
