மத்தியப் பிரதேச மாநிலம் மொரேனா மாவட்டத்தில், இறந்த பாம்பு கடித்ததில் 18 வயதுடைய டீனேஜ் பெண் ஒருவர் உயிரிழந்த சம்பவம் தற்போது பெரும் பரபரப்பையும் அதிர்ச்சியையும் ஏற்படுத்தியுள்ளது.

பாரதி குஷ்வாஹா (18) என்ற அந்த பெண் , தனது கால்நடைகளுக்கு உணவளிப்பதற்காக இயந்திரம் மூலம் புல் வெட்டிக்கொண்டிருந்தார். அப்போது, புல்லுக்குள் மறைந்திருந்த ஒரு பாம்பு எதிர்பாராதவிதமாக இயந்திரத்தில் சிக்கி மூன்று துண்டுகளாகக் கிழிந்தது. இது தெரியாமல், சிறுமி அந்தப் புல்லைத் தூக்கியபோது, பாம்பின் துண்டிக்கப்பட்ட தலை அவரது கையைத் திடீரெனக் கடித்தது. உடனடியாகச் சிறுமி கடுமையாக நோய்வாய்ப்பட்டார்.

குடும்பத்தினர் ஆரம்பத்தில் பாரம்பரிய மருத்துவர்களிடம் அவரை அழைத்துச் சென்றனர். எனினும், அவரது உடல்நிலை மோசமடைந்ததால் மருத்துவமனைக்குக் கொண்டு சென்றபோது, சிறுமி இறந்துவிட்டதாக மருத்துவர்கள் தெரிவித்தனர். இது குறித்து வழக்குப் பதிவு செய்த  காவல்துறையினர், பாதிக்கப்பட்டவரின் குடும்பத்திற்கு அரசாங்க விதிமுறைகளின்படி இழப்பீடு வழங்கப்படும் என்று உறுதியளித்தனர்.

நிபுணர்களின் கூற்றுப்படி, இதுபோன்ற சந்தர்ப்பங்களில், பாம்பின் தலை துண்டிக்கப்பட்டாலும், அதன் தாடைகளில் உள்ள தசைகள் விருப்பமின்றி பதிலளிக்கும். இது ‘கடி அனிச்சை’ (Biting Reflex) என்று அறிவியல்ரீதியாக அழைக்கப்படுகிறது. இது பாம்பின் இயற்கை பாதுகாப்பு அமைப்பின் ஒரு பகுதி என்றும் நிபுணர்கள் எச்சரிக்கின்றனர்.