மொபைல் போனில் தனிப்பட்ட முறையில் ஆபாச வீடியோ அல்லது படங்களை பார்ப்பது குற்றமல்ல என கேரள உயர்நீதிமன்றம் தெரிவித்துள்ளது. 

ஆபாசப் படங்களைப் பார்ப்பது தனிமனிதனின் விருப்பம். இதன் மீது எடுக்கப்பட்ட சட்ட நடவடிக்கை நிற்காது என நீதிபதி பி.வி.குன்கிகிருஷ்ணன் தலைமையிலான தனி பெஞ்ச் தீர்ப்பளித்தது. எர்ணாகுளம் அங்கமாலி கருக்குட்டியில் வசிக்கும் நபர் மீது இந்திய தண்டனைச் சட்டம் 294வது பிரிவின் கீழ், சாலையோரத்தில் இருந்து மொபைல் போனில் ஆபாசமான வீடியோவைப் பார்த்ததாக தொடரப்பட்ட வழக்கை ரத்து செய்து கேரள நீதிமன்றம் உத்தரவிட்டுள்ளது.

அதே சமயம், இதுபோன்ற படங்களை பொது இடங்களில் காட்சிப்படுத்துவதும், விநியோகிப்பதும் இந்திய தண்டனைச் சட்டத்தின்படி குற்றமாகும் என்று நீதிபதி பி.வி. குன்ஹிகிருஷ்ணன் தெளிவுபடுத்தினார். இந்த வழக்கில் ஐபிசி பிரிவு 292ன் கீழ் சட்ட நடவடிக்கை எடுக்க முடியும் என்றார்.

எர்ணாகுளம் ஆலுவாவில், 2016ஆம் ஆண்டு 33 வயது இளைஞர் இரவில் சாலையோரத்தில் இருந்து ஆபாச வீடியோவைப் பார்த்துக் கொண்டிருந்தபோது ரோந்து வந்த போலீசாரிடம் சிக்கினார். அவரை கைது செய்த போலீசார் ஐபிசி 292 பிரிவின் கீழ் வழக்கு பதிவுசெய்தனர். இறுதி அறிக்கையும் ஆலுவா மாஜிஸ்திரேட் நீதிமன்றத்தில் சமர்ப்பிக்கப்பட்டது. இந்த வழக்கை ரத்து செய்யக் கோரி உயர் நீதிமன்றத்தை மனுதாரர் அணுகினார்.

அந்த நபரின் மனுவை நீதிமன்றம் விசாரித்தது. அப்போது, ‘ஆபாசப் படங்கள்’ பல நூற்றாண்டுகளாக நடைமுறையில் இருப்பதாகவும், புதிய டிஜிட்டல் யுகம் குழந்தைகளுக்கும் கூட அதை அணுகக்கூடியதாக உள்ளது என்றும் உயர் நீதிமன்ற பெஞ்ச் கூறியது. நீதிமன்றம், ‘ஒரு நபர் தனது தனிப்பட்ட நேரத்தில் ஆபாச வீடியோவை வேறு யாருக்கும் காட்டாமல் பார்த்தால், அது குற்றமா?

‘இது குற்றப்பிரிவின் கீழ் வரும் என நீதிமன்றம் அறிவிக்க முடியாது. இதற்கு ஒரே காரணம் அது அவருடைய தனிப்பட்ட விருப்பம் என்றும் அதில் தலையிடுவது அவரது அந்தரங்கத்தில் தலையிடுவதற்கு சமம். 33 வயது நபர் மீதான இந்திய தண்டனைச் சட்டம் பிரிவு 292ன் கீழ் ஆபாசமான வழக்கை நீதிபதி பி.வி.குன்கிகிருஷ்ணன் ரத்து செய்தார். இதுபோன்ற செயலை குற்றமாக அறிவிக்க முடியாது, இது எந்தவொரு குடிமகனின் தனிப்பட்ட விருப்பம் என்றும், அதில் தலையிடுவது அவரது தனியுரிமையில் ஊடுருவுவதற்கு சமம் என்றும் கூறினார்.

வேறு யாரும் பார்க்காமல் தனிப்பட்ட நேரத்தில் ஆபாசமான வீடியோவைப் பார்ப்பதில் தலையிடுவது தனியுரிமையின் மீதான படையெடுப்பு என்பதால் அதை குற்றமாக அறிவிக்க முடியாது என்று நீதிமன்றம் தெளிவுபடுத்தியது.

ஒருமித்த உடலுறவு அல்லது தனியுரிமையில் ஆபாசத்தைப் பார்ப்பது நாட்டில் குற்றமல்ல. உயர் நீதிமன்றத் தீர்ப்பின்படி, ஐபிசியின் 294வது பிரிவு ஆபாசமான புத்தகங்கள், துண்டுப் பிரசுரங்கள் போன்றவற்றை விற்பது மற்றும் விநியோகிப்பது குற்றம் என வரையறுக்கிறது. ஐபிசியின் 292வது பிரிவின் கீழ், ஆபாசமான புத்தகங்கள் மற்றும் பொருட்களை விற்பனை செய்தல், விநியோகம் செய்தல் மற்றும் காட்சிப்படுத்துதல் ஆகியவை குற்றமாக கருதப்படும் என்று நீதிமன்றம் கூறியது.