தொடர்ந்து அவர், “அவர் நிறைய முயற்சி செய்கிறார். தூக்கத்தை துறந்து கூட்டங்களில் ஒரு பகுதியாக மாறுகிறார், அவர் முதலில் முயற்சி செய்கிறார். ஒவ்வொரு நபருக்கும் எப்படி தந்திரோபாயங்களை விளக்குவது என்பதைப் புரிந்துகொள்வதில் அவர் முயற்சி செய்கிறார். இது இந்திய கிரிக்கெட்டில் ஒரு மேம்பட்ட தலைமைத்துவம்” என்றார்.

மேலும் அஸ்வின் ஐசிசி போட்டியில் இந்தியா விளையாடிய கிரிக்கெட்டின் பிராண்டை மாற்றியதற்காக ஷர்மாவை பாராட்டினார். ஆக்ரோஷமான கிரிக்கெட்டை விளையாட விரும்புவதாகச் சொல்வது எளிது, ஆனால் ரோஹித் ஷர்மாதான் அதற்கான வழியைக் காட்டினார் என்று அஷ்வின் கூறினார். இந்திய கேப்டன் உண்மையில் அனைத்து இந்திய போட்டிகளிலும் தொனியை அமைத்தார் என்றும், இந்திய அணியிலிருந்து தோல்வி பயத்தை போக்க முடிந்தது என்றும் கூறினார்.

அஸ்வின் கூறியதாவது, பேச்சில் சொல்வது, எல்லோரையும் ஒரு பிராண்ட் கிரிக்கெட்டை விளையாடச் சொல்வது ஒரு விஷயம், ஆனால் அதைச் செய்வதும் அதை மைதானத்தில் காண்பிப்பதும் வேறு விஷயம். ரோஹித்தை எனக்கு ரொம்ப நாளாக தெரியும். ஒயிட் பால் கிரிக்கெட்லயும் பாத்துருக்கேன். டெஸ்ட்லயும் பாத்துருக்கேன்.

ரோகித் நினைத்திருந்தால் 40 – 50 ரன்களை 120, 140 ரன்களாக மாற்றியிருக்கலாம். ஈசியா அடித்திருக்கலாம், கஷ்டமே கிடையாது. இந்த சீசனின் ரன்களை குவித்து இருப்பார். இன்பேக்ட் நான் வீட்டுக்கு வந்த உடனே 2-3 பேர் கேட்டாங்க.. ரோஹித் 40க்கு அவுட்டாயிட்டான், அவன் அடிச்சிருந்தா பைனல்ல ஜெயிச்சு இருக்கலாம் அப்டின்னு சொன்னாங்க. அதெல்லாம் நான் ஒத்துக்கவே மாட்டேன். 10 ஓவரில் அவர் ஆகும்போது 80 ரன்கள் இருந்தது. அங்கிருந்து அப்படியே ஆடினால் 300 ரன்கள் எடுத்திருக்கலாம். அவர் செய்த வேலை டாப்ல செட் பண்ணாரு. இப்படித்தான் மச்சி விளையாட போறோம். அப்படின்னு ஒரு கான்பிடன்ஸ கொடுத்துட்டாரு. பரவால்ல நாம் 150 ரன்னில் அவுட் ஆனாலும் பரவாயில்லை. குறைந்த பட்சம் டோன் செட் செய்வோம், அடித்து ஆடுவோம், பயத்தை உண்டாக்குங்கள் என்றார். அணியில் உள்ள 11 பேரும் உலகக் கோப்பையை சிறப்பாக விளையாடியதாக நான் நினைக்கிறேன்” என்று கூறினார்.

ரோகித் இந்த உலகக் கோப்பையில் ஒவ்வொரு போட்டியிலும் பாசிட்டிவாக அதிரடியாக தொடங்கியதால் அதன்பிறகு வந்த வீரர்கள் இன்னிங்க்ஸை நன்றாக எடுத்துச்சென்றனர். ஆனால் இறுதிப்போட்டியில் அதனை இந்தியாவால் செய்ய முடியாதது தோல்விக்கு காரணமாக பார்க்கப்டுகிறது. இறுதிப்போட்டியில் ரோகித் மேக்ஸ்வெல் ஓவரில் அவுட் ஆகும்போது, ஏற்கனவே அந்த ஓவரில் அவர் பவுண்டரி, சிக்ஸர் உடன் 10 ரன்கள் அடித்திருந்தபோது அந்த ஷாட் தேவையா என விமர்சனங்கள் எழுந்தது. ஆனால் ரோகித் இந்த உலகக் கோப்பை முழுவதுமே அந்த வழக்கமான அதிரடி பாணியை வெளிப்படுத்தினார். அவர் 47 ரன்களை அதிரடியாக குவித்து அவுட் ஆன போதிலும் அதன் பின் வந்த வீரர்கள் இன்னிங்சை சிறப்பாக எடுத்துச் சென்று இருந்தால் 280 ரன்களில் இருந்து 300 ரன்கள் குவித்திருக்கலாம்.  அதன்பின் கோலி –  கே.எல் ராகுல் பார்ட்னர்ஷிப் அமைத்தாலும், ராகுலின் மெதுவான ஆட்டமும்  விமர்சனத்தை ஏற்படுத்தியது. கம்பீர இதை ஏற்கனவே கூறியிருந்தார்.

தோல்விக்கு பின் அப்போது இந்திய முன்னாள் வீரர் கவுதம் கம்பீர் கூறியதாவது :

தோல்விக்கு பின் அப்போது கம்பீர் கூறியது, “இது இரட்டை முனைகள் கொண்ட வாள். ஆனால் தைரியமான அணி உலகக் கோப்பையை வெல்லும் என்று நான் எப்போதும் கூறி வருகிறேன். பார்ட்னர்ஷிப்பை உருவாக்க உங்களுக்கு நேரம் தேவை என்பதை என்னால் புரிந்து கொள்ள முடிகிறது, ஆனால் 11 முதல் 40 ஓவர்கள் என்பது மிக மிக நீண்ட நேரம். யாராவது அந்த ரிஸ்க் எடுத்திருக்க வேண்டும்,” என்று ஸ்போர்ட்ஸ்கீடாவிடம் கம்பீர் கூறினார்.

“இந்தியா 150 ரன்களுக்கு ஆல் அவுட் ஆகிருந்தாலும், அவர்களின் முதல் 6-7 பேட்டர்களுடன் இந்தியா மிகவும் ஆக்ரோஷமாக விளையாடுவதை நான் உண்மையில் விரும்பியிருப்பேன். நான் நன்றாக இருந்திருப்பேன். ஆனால், உலகக் கோப்பை இறுதிப் போட்டியில் உங்களால் 240 ரன்களைக் காக்க முடியும் என்று நீங்கள் நினைத்தால்… நீங்கள் போராடும் இடம் அதுவல்ல. இது இந்த வழி அல்லது அது. ஒன்று நாம் 150 ஆல் அவுட் அல்லது 300. அதுதான் இந்தியாவிடம் இல்லாதது. அங்குதான் இந்தியா ஐசிசி போட்டிகளில் வெற்றிபெறவில்லை. நான் அவுட் ஆனாலும் நாங்கள் ஆக்ரோஷமாக இருக்க வேண்டும் என்று ரோஹித் ஆட்டத்திற்கு முன்பே சொல்லி அனுப்பியிருக்க வேண்டும்

அதிரடியாக ஆடி அவுட் ஆனாலும் பரவாயில்லை. இன்னிங்சை கோலி எடுத்து செல்வதில் முக்கிய பங்கு வகித்துள்ளார். ஆனால் மற்ற வீரர்கள் ஆக்ரோசமாக அடித்து ஆடி இருக்க வேண்டும். கே.எல் ராகுல் இதனை செய்திருக்க வேண்டும். அது என்ன நடந்திருக்கும்? நாங்கள் 150 ரன்களுக்கு ஆல் அவுட் ஆகியிருப்போம். ஆனால் தைரியமாக இருந்திருந்தால் எங்களால் 310 ரன்கள் எடுத்திருக்க முடியும். இந்தியா சாம்பியன் ஆகி இருக்கும். இது 1990 அல்ல.. 240 என்பது நல்ல ஸ்கோர் அல்ல. 300க்கு மேல் ரன்கள் வேண்டும் என கூறியது குறிப்பிடத்தக்கது