உத்தரபிரதேசத்தின் பிரயாக்ராஜ் மாவட்டத்தில் உள்ள ஒரு கோவிலில் நடந்த திருட்டு சம்பவம்,  கடந்த 1ம் தேதி அனைவரையும் அதிர்ச்சியடைய செய்தது . கோவிலில் இருந்து சிலைகளை திருடிய மர்ம நபர், சிலைகளை திருப்பி வைத்து, தனது மன மாற்றத்திற்கான காரணங்களை விளங்கவைத்து ஒரு மன்னிப்பு கடிதம் எழுதியுள்ளார்.

திருட்டின் பின்னணி குறித்து கோவில் நிர்வாகி மஹந்த் ஜெய்ராம் தாஸ் தெரிவித்த தகவலின்படி, திருட்டு சம்பவம் நடந்தது அதிர்ச்சியாக இருந்தது. சிலைகள் திருட்டு போன இரவில், சிலைகள் கோவிலின் கருவறையில் இருந்தன, ஆனால் மறுநாள், அந்த சிலைகள் திடீரென காணாமல் ஆகிவிட்டது. மஹந்த் ஜெய்ராம் தாஸ் மற்றும் ஆசிரமத்தில் உள்ள மற்ற சீடர்கள் கவலையில் மூழ்கினர், இதற்காக போலீசில் புகார் செய்தனர்.

அடுத்த நாளில், கோவிலுக்கு அருகே ஒரு பாக்கு முட்டை கிடந்தது. அந்த மூட்டையை மக்கள் அப்போது திறந்து பார்த்த போது மக்கள்  அதிர்ச்சி அடைந்தனர். அந்த மூட்டையில் ராதா-கிருஷ்ணரின் 100 ஆண்டுகள் பழமையான அஷ்ட தாது சிலைகள் இருந்தன. இதோடு, அந்த மூட்டையில் உள்ள ஒரு கடிதம், அவர்களை மேலும் அதிர்ச்சிக்குள்ளாக்கியது.

அந்த கடிதத்தில், திருடன் “நான் பாவம் செய்து விட்டேன். எனது அறியாமையால் கிருஷ்ணர், ராதை சிலைகளை திருடினேன்” என்று எழுதினான். இவர் கூறியது போல, சிலை திருடிய நாளில் தொடங்கி கெட்ட கனவுகள், தூக்கம் மற்றும் உணவு இல்லாமல் தன்னை பாதிக்கின்றன என்று குறிப்பிட்டுள்ளார். பணத்துக்காக இப்படி செய்தது தான் தனது குடும்பத்தில் எவ்வளவு பாதிப்புகளை உருவாக்கியதோ, அந்த மன்னிப்பு கடிதத்தில் உருக்கமாக விளக்கமாக இருந்தது.

இந்த நிலையில், பிரயாக்ராஜ் மாவட்டத்தில் உள்ள நவாப்கஞ்ச் போலீசாருக்கு தகவல் தெரிவிக்கப்பட்டது. போலீசாரும் விரைந்து வந்து, திருடிய சிலைகள் மற்றும் கடிதத்தை கைப்பற்றி, கோவில் நிர்வாகியிடம் ஒப்படைத்தனர். அந்த மூட்டையிலிருந்து மீண்டும் திரும்பிய சிலைகள், கோவிலில் நல்லுறவை ஏற்படுத்தியது.

சிலைகள் மீண்டும் கோவிலுக்கு வந்த பிறகு, ஆசிரமத்தில் உள்ள அனைவரும் மகிழ்ச்சியுடன் ஜலாபிஷேகம் செய்து, பூஜைகள் செய்து மீண்டும் பிரதிஷ்டை செய்தனர். இதனால், திருட்டு சம்பவத்தின் பின்னணியில் உள்ள மனித தன்மையை எடுத்துக் காணலாம், மனிதன் எவ்வளவு தவறு செய்தாலும், மனமாற்றம் மற்றும் மன்னிப்பு உண்டு.