ஆஸ்திரேலியா பிரதமர் ஆண்டனி அல்பானீஸ் நான்கு நாள் அரசு முறை பயணமாக வரும் எட்டாம் தேதி இந்தியா வருகிறார். இது குறித்து ஆஸ்திரேலியா பிரதமர் அலுவலகம் வெளியிட்டுள்ள அறிக்கையில் அகமதாபாத்தில் இந்தியா-ஆஸ்திரேலியா நிகழ்வுக்கு இடையே நடக்க உள்ள நான்காவது கிரிக்கெட் டெஸ்ட் போட்டியை பிரதமர் மோடியுடன் இணைந்து ஆஸ்திரேலியா பிரதமர் ஆண்டனி அல்பானீஸ் பார்க்க உள்ளதாக கூறப்பட்டுள்ளது.

இந்த பயணத்தின் போது ஆஸ்திரேலியா பிரதமர் அகமதாபாத் தவிர்த்து மும்பை, டெல்லி நகரங்களுக்கும் செல்ல உள்ளதாகவும் தெரிவிக்கப்பட்டுள்ளது. இது ஆஸ்திரேலியா பாதுகாப்பு பொருளாதார உறவுகளில் மட்டும் இன்றி இரு தரப்பு மக்களின் உறவுகளையும் மேலும் வலுப்படுத்தும் என கூறப்பட்டுள்ளது. மேலும் டெல்லியில் நடைபெறும் ஆஸ்திரேலியா-இந்தியா வருடாந்திர தலைவர்கள் உச்சி மாநாட்டில் பிரதமர் மோடியுடன் ஆஸ்திரேலியா பிரதமர் ஆண்டனி அல்பானீஸ் கலந்து கொள்ள உள்ளதாகவும் அந்த அறிக்கையில் தெரிவிக்கப்பட்டுள்ளது.