தமிழ் சினிமாவில் பிரபலமான நடிகராக இருப்பவர் விஜய். இவர் வாரிசு படத்தை தொடர்ந்து லோகேஷ் கனகராஜ் இயக்கத்தில் லியோ என்ற படத்தில் நடித்து வருகிறார். இந்த படத்தின் சூட்டிங் காஷ்மீரில் விறுவிறுப்பாக நடைபெற்று வரும் நிலையில் அக்டோபர் 19-ஆம் தேதி லியோ படம் ரிலீஸ் ஆகிறது. இந்நிலையில் இயக்குனர் அட்லீ தற்போது பாலிவுட் சூப்பர் ஸ்டார் ஷாருக்கானுடன் சேர்ந்து ஜவான் திரைப்படத்தை இயக்கி வருகிறார். இந்த படத்தில் நடிகர் விஜய்  நடிக்க இருப்பதாக கூறப்படுகிறது.

ஏற்கனவே பாலிவுட்டில் அக்ஷய் குமார் நடித்த ரவுடி ரத்தோர் படத்தில் நடிகர் விஜய் ஒரு பாடலுக்கு ஸ்டெப் போட்டு இருக்கிறார். நடிகர் விஜய் இந்திய அளவில் பிரபலமாக இருக்கும் நடிகர் என்பதால் ஜவான் படத்தில் அவர் நடிப்பதாக வெளிவந்த தகவல் ரசிகர்கள் மத்தியில் மிகுந்த எதிர்பார்ப்பை ஏற்படுத்தியுள்ளது. மேலும் பாலிவுட் போகும் தளபதி விஜய் ஜவான் படத்தின் மூலம் கெத்து காட்ட இருக்கிறார் என தளபதி ரசிகர்கள் கூறி வருகிறார்கள்.