சீனாவின் வடகிழக்கு பகுதியில் அமைந்துள்ள லியோனிங் மாகாணத்தில் இருக்கும் குளியல் இல்லத்தில் புதிய சேவை ஒன்றை  அறிமுகப்படுத்தியுள்ளது. அதுதான் வாடகை அப்பா “RENT A DAD” .  இந்த சேவை ஆண் குழந்தைகளுடன் வரும் அம்மாக்களுக்கு உதவ துவங்கப்பட்டதாக கூறப்படுகிறது. இது குறித்து உரிமையாளர் கூறுகையில் “குளியல் இல்லத்திற்கு வரும் அம்மாக்கள் தங்களின் ஆண் குழந்தைகளை இந்த வாடகை அப்பாக்களிடம் விட்டுவிட்டு தங்கள் சுதந்திரமாக எவ்வளவு நேரம் வேண்டுமானாலும் நீச்சல் குளத்தில் எந்த பயமும் இல்லாமல் குளிக்கலாம்.

உங்கள் குழந்தையை பார்த்துக் கொள்ளும் வாடகை அப்பா ஆண்கள் குளிக்கும் நீச்சல் குள  பிரிவிற்கு அழைத்து சென்று அவரது மகனைப் போன்று குளிப்பாட்டி பராமரித்து கொள்வார்” என்று தெரிவித்துள்ளார். இந்த சேவைக்கு அந்த குளியல் இல்லத்தில் இதுவரை எந்த கட்டணமும் வசூலிக்கப்படவில்லை என்பது குறிப்பிடத்தக்கது.