தமிழ் சினிமாவில் பிரபலமான நடிகராகவும், இயக்குனராகவும் இருப்பவர் பிரதீப் ரங்கநாதன். இவரது இயக்கத்தில் கோமாளி மற்றும் லவ் டூடே என்ற படங்கள் வெளியாகி நல்ல வரவேற்பை பெற்ற நிலையில் லவ் டூடே படத்தில் அவரே இயக்கி நடித்திருந்தார். இவரது நடிப்பில் சமீபத்தில் “டிராகன்” திரைப்படம் வெளிவந்து நல்ல வரவேற்பை பெற்றது.

இந்நிலையில் விக்னேஷ் சிவன் இயக்கத்தில் “லவ் இன்சூரன்ஸ் கம்பெனி” என்ற படத்தில் பிரதீப் ரங்கநாதன் நடித்து வருகிறார். இந்த படத்தினை செவன் ஸ்கிரீன் ஸ்டுடியோ நிறுவனம் மற்றும் ரவுடி பிக்சர்ஸ் நிறுவனம் இணைந்து தயாரித்துள்ளது. இந்த திரைப்படத்தில் கீர்த்தி செட்டி மற்றும் எஸ் ஜே சூர்யா நடித்துள்ள நிலையில் அனிருத் இசையமைக்கிறார்.

தற்போது இந்த படத்தின் சூட்டிங் முடிவடைந்த நிலையில், இறுதி கட்டப் பணிகள் நடைபெற்று வருகிறது. இந்நிலையில் தற்போது படக்குழு ரிலீஸ் தேதியை அறிவித்துள்ளனர். அதன்படி வரும் செப்டம்பர் மாதம் 18 ஆம் தேதி திரையரங்குகளில் வெளியாக இருக்கிறது. மேலும் இது ரசிகர்கள் மத்தியில் மிகுந்த எதிர்பார்ப்பை பெற்றுள்ளது.