மலையாள சினிமாவில் முன்னணி நடிகராக இருப்பவர் மோகன்லால். இவர் நடித்த “துடரும்” திரைப்படம் சமீபத்தில் வெளியாகி ரசிகர்கள் மத்தியில் நல்ல வரவேற்பை பெற்றுள்ள நிலையில் 200 கோடி வசூல் சாதனையை எட்டியுள்ளது. அதோடு மலையாள சினிமாவில் அதிக வசூல் சாதனை பெற்ற திரைப்படம் இதுதான் என்றும் கூறப்படுகிறது. இந்த திரைப்படம் மோகன்லாலுக்கு 360 வது திரைப்படம் ஆகும்.

இதனை இயக்குனர் தருண் மூர்த்தி இயக்கியுள்ள நிலையில் தயாரிப்பாளர் ரஞ்சித் தயாரித்துள்ளார். ரசிகர்கள் பலரும் இந்த திரைப்படத்தை கொண்டாடி வரும் நிலையில் நடிகர் சூர்யா மற்றும் கார்த்தி “துடரும்’ திரைப்படத்தின் இயக்குனர் தருண் மூர்த்தியை நேரில் வரவழைத்து பாராட்டியுள்ளனர். மேலும் இயக்குநர் தருண் மூர்த்தி, நடிகர் சூர்யா மற்றும் கார்த்திக் ஆகியோருடன் சேர்ந்து எடுத்துக் கொண்ட புகைப்படங்களை தனது இன்ஸ்டாகிராம் பக்கத்தில் வெளியிட்டுள்ள நிலையில், அந்த புகைப்படங்கள் தற்போது சமூக வலைதளத்தில் மிகவும் வைரலாகி வருகிறது.