பிரபல நடிகர் சூரி கூழாங்கல் படத்தை இயக்கிய பி.எஸ் வினோத் இயக்கத்தில் கொட்டுக்காளி என்ற திரைப்படத்தில் நடித்திருந்தார். ஏற்கனவே கூழாங்கல் திரைப்படம் சர்வதேச அளவில் விருதுகளை பெற்ற நிலையில் கொட்டுக்காளி திரைப்படமும் விருதுகளை பெற்றது. இந்த படம் திரையரங்குகளில் சமீபத்தில் வெளியாகி நல்ல வரவேற்பை பெற்றிருந்த நிலையில் சூரியுடன் நடிகை அன்னா பென் முக்கிய கதாபாத்திரத்தில் நடித்திருந்தார்.

இந்த படம் விமர்சன ரீதியாகவும் வசூல் ரீதியாகவும் வரவேற்பை பெற்ற நிலையில் தற்போது படத்தின் ஓடிடி ரிலீஸ் தேதி வெளியாகியுள்ளது. அதன்படி சிம்ப்ளி சவுத் ஓடிடி தளத்தில் கொட்டுக்காளி வெளியாகிறது. மேலும் இந்த படம் வருகிற 27ஆம் தேதி வெளியாகிறது என்று தெரிவிக்கப்பட்டுள்ளது.