பிரம்மாண்ட இயக்குனர் சங்கர் இந்தியன் 2 படத்தை தொடர்ந்து தெலுங்கில் கேம் சேஞ்சர் என்ற படத்தை இயக்கி வந்தார். இந்தப் படத்தில் கதாநாயகனாக ராம்சரண் நடித்துள்ளார். இந்தப் படம் அவருக்கு 15 வது படம் ஆகும். இந்த படத்திற்கு தமன் இசையமைத்துள்ளார். அதன் பிறகு படத்தில் ஹீரோயினாக கியாரா அத்வானி நடித்துள்ளார்.

இதைத்தொடர்ந்து ராம் நந்தன்,அஞ்சலி, எஸ் ஜே சூர்யா, ஸ்ரீகாந்த், ஜெயராம், சுனில், சமுத்திரக்கனி, நாசர், பிரகாஷ்ராஜ், சுப லேகா, சுதாகர், நவீன் சந்திரா, ராஜிவ் கனகலா, முரளி சர்மா ஆகியோர் படத்தில் முக்கிய வேடத்தில் நடித்துள்ளனர்.
இந்நிலையில் சுமார் 250 கோடி பட்ஜெட்டில் உருவாகும் கேம் சேஞ்சர் திரைப்படத்தின் ரிலீஸ் தேதியை தற்போது பட குழுவினர் வெளியிட்டுள்ளனர். அதன்படி டிசம்பர் மாதம் 25ஆம் தேதி படம் வெளியாக இருக்கிறது. மேலும் இந்த அறிவிப்பு ராம்சரண் ரசிகர்கள் மத்தியில் மிகுந்த மகிழ்ச்சியை ஏற்படுத்தி உள்ளது.