தமிழ் சினிமாவில் முன்னணி நடிகராக இருப்பவர் சூர்யா. இவர் சிறுத்தை சிவா இயக்கத்தில் நடித்த கங்குவா திரைப்படம் சமீபத்தில் வெளியாகி கலவையான விமர்சனங்களை பெற்றது. இந்த படத்தை தொடர்ந்து ஆர்.ஜே பாலாஜி இயக்கத்தில் நடிகர் சூர்யா தன் 45-வது படத்தில் நடித்து வரும் நிலையில் திரிஷா ஹீரோயின் ஆக நடிக்கிறார். அதன் பிறகு தன்னுடைய 44 வது படத்தில் கார்த்திக் சுப்புராஜ் இயக்கத்தில் சூர்யா நடிக்கிறார்.
இந்த படத்தில் பூஜா ஹெக்டே ஹீரோயினாக நடிக்கிறார். இந்த படத்தின் ஃபர்ஸ்ட் லுக் போஸ்டர்கள் வெளியான நிலையில் சமீபத்தில் டீசர் வெளியாகி நல்ல வரவேற்பை பெற்றது. இந்நிலையில் தற்போது படத்தின் ரிலீஸ் தேதியை பட குழு அறிவித்துள்ளது. அதன்படி மே 1ஆம் தேதி உழைப்பாளர் தினத்தில் ரெட்ரோ திரைப்படம் திரையரங்கில் வெளியாக இருக்கிறது. மேலும் படக்குழு இந்த அறிவிப்பை போஸ்டர் வெளியிட்டு அறிவித்துள்ளது.
