பூமிக்கு மிக அருகில் புதிதாகக் கண்டறியப்பட்ட நான்கு சிறுகோள்கள் மே 2, 2025 அன்று கடந்து சென்றன. 2025 HP22, 2025 JA, 2025 HJ5 மற்றும் 2025 HR1 என அழைக்கப்படும் இவை, நாசா – ஜெட் ப்ராபல்ஷன் லேபரட்டரியின் கண்காணிப்பில் இருந்தன. இதில் 2025 HP22 மற்றும் 2025 JA எனும் அப்பல்லோ வகை சிறுகோள்கள், முறையே 493,166 கிமீ மற்றும் 510,216 கிமீ தொலைவில் பூமியை கடந்தன. இது சந்திரனுக்குள் நெருக்கமாக இருந்த நிலையில், HP22 வெறும் ஒரு நாள் கண்காணிப்பில் மட்டுமே இருந்ததால் நிச்சயமற்ற பாதை கொண்டதாகக் கருதப்பட்டது. இவை மணிக்கு 10 கிமீ வேகத்தில் பயணித்து வந்தன.

மேலும், 2025 HJ5 சிறுகோள் பூமிக்கு 4.16 மில்லியன் கிமீ தொலைவில் கடந்தது. இதுவும் பூமியுடன் சாத்தியமான எதிர்கொள்ளுதலை உணர்த்தும் வகையில் ஆய்வுகளுக்கு உட்பட்டது. அதேபோல், அமோர் வகையைச் சேர்ந்த 2025 HR1 என்ற சிறுகோள் 4.8 மில்லியன் கிமீ தொலைவில் பூமியை கடந்தது. இதில் 2025 HR1 மிக நீள்வட்ட பாதையுடன் குறைந்த நிச்சயமற்ற அளவை கொண்டதாக கருதப்பட்டது. இந்த நான்கு சிறுகோள்களும் பூமிக்கு நேரடியாக ஆபத்து ஏற்படுத்தவில்லை என்றாலும், இவை போன்ற எதிர்பாராத சந்திப்புகள் விண்வெளி பாதுகாப்பு ஆய்வுகளுக்கான அவசியத்தை வலியுறுத்துகின்றன.