பாட்டாளி மக்கள் கட்சியில் (பாமக) தற்போது உருவாகியுள்ள அதிகாரக் குழப்பம் தொடர்பாக, கட்சியின் நிறுவனர் ராமதாஸ் இன்று செய்தியாளர்களை சந்தித்து விரிவான விளக்கத்தை வழங்கினார். முக்கியமாக, கட்சியின் செயல் தலைவர் அன்புமணி ராமதாஸ் எம்எல்ஏ அருளை நீக்கியது தொடர்பாக, “அந்த அதிகாரம் அவருக்கு இல்லை” என ராமதாஸ் கூறியுள்ளார்.

அவர் மேலும் கூறியதாவது:
“பாமகவை வழிநடத்தும் அதிகாரம் மூன்று மட்டுமே. தலைவர், பொருளாளர் மற்றும் பொதுச் செயலாளர் ஆகியோருக்கு தான் இவ்வதிகாரம் உண்டு. எனவே, செயல் தலைவர் என்ற நிலையில் யாரையும் நீக்க அன்புமணிக்கு உரிமை இல்லை. கட்சியின் நிர்வாக உறுப்பினர்களை நீக்கும் அதிகாரம் என்னிடம் மட்டுமே உள்ளது” என்று ராமதாஸ் சுட்டிக்காட்டினார்.

அத்துடன், “96 ஆயிரம் கிராமங்களை தனியாக சுற்றி, பாமகவை உருவாக்கினேன். நம் மக்களுக்காக இன்னும் பாடுபட்டு வருகிறேன். சில செயல்கள் மன வேதனை ஏற்படுத்துகின்றன, ஆனால் கட்சியின் நலனுக்காக அதை புறந்தள்ளி செயல்படுகிறேன்” என உணர்ச்சியோடு தெரிவித்தார்.

மீண்டும் உரையாடல் ஒன்றில், “திமுக கூட்டணியில் புதிய கட்சிகள் வரலாம் என ஸ்டாலின் கூறியுள்ளாரே, அது பாமகவா?” என்ற கேள்விக்கு பதிலளிக்கும்போது, ராமதாஸ், “பாமகா எந்த கட்சியோடு கூட்டணி அமைக்கவேண்டும் என்பதை நிர்வாகக் குழு, மாநில செயற்குழு மற்றும் பொதுக்குழு ஆகிய மூன்று அடுக்குகள் சேர்ந்து முடிவு செய்யும். எனவே, அவ்வகையில் முடிவு எடுக்கப்படவிருக்கும் ” என கூறினார்.

மேலும், பாமகவின் உள்ளக நிலைமையைப் பற்றிய ஒரு கேள்விக்கு பதிலளிக்கும்போது, “நான் செயல் தலைவர் அல்ல. நான் தலைவர். எனவே கட்சியின் ஒழுங்கை நான் முடிவு செய்கிறேன். அருளை நீக்கியது தொடர்பாக, அவர் கட்சியின் கொரடாவாக  செயல்படுவார். அது ஒரு முக்கிய பொறுப்பு. அதில் மாற்றமில்லை” என்றும் ராமதாஸ் தெளிவுபடுத்தினார்.

இவ்வாறாக, பாமகவில் அதிகார அமைப்பு மற்றும் அன்புமணி நடவடிக்கைகள் குறித்த சர்ச்சை தீவிரமடைந்துள்ள நிலையில், ராமதாஸ் வெளியிட்ட தெளிவுகள், கட்சியின் எதிர்கால அரசியல் நிலைப்பாட்டில் மாற்றத்தை ஏற்படுத்தும் வகையில் உள்ளது