மேஜர் முகுந்த் வரதராஜனின் வாழ்க்கை மையமாக வைத்து அமரன் திரைப்படம் இயக்கப்பட்டது. இந்த திரைப்படத்தில் சிவகார்த்திகேயன் ஹீரோவாக நடித்துள்ளார். அவருக்கு ஜோடியாக சாய்பல்லவி ஹீரோயினாக நடித்துள்ளார். அமரன் திரைப்படம் திரையரங்குகளில் வெற்றிகரமாக ஓடிக் கொண்டிருக்கிறது. சிவகார்த்திகேயன் சினிமா வாழ்க்கையில் பாக்ஸ் ஆபிஸ் கலெக்சன் பெற்று அமரன் திரைப்படம் பெரும் திருப்புமுனையாக அமைந்தது. இந்த திரைப்படத்தில் சாய் பல்லவியின் நடிப்பு எதார்த்தமாக ரசிகர்களை கவரும் விதமாக அமைந்தது.

இந்து கதாபாத்திரமாகவே சாய் பல்லவி வாழ்ந்திருக்கிறார் என பலரும் பாராட்டுகளை தெரிவித்து வந்தனர். காமெடி கதாபாத்திரத்தில் நடித்து திரையுலகில் தனது பயணத்தை ஆரம்பித்த சிவகார்த்திகேயன் இந்த படத்தில் தனது முழு திறமையையும் காண்பித்துள்ளார். அமரன் திரைப்படத்தில் நடிக்க சாய் பல்லவி 3 கோடி ரூபாய் சம்பளம் வாங்கியுள்ளார். படம் சூப்பர் ஹிட் ஆனதால் அடுத்த தான் கமிட்டாக உள்ள படங்களுக்கு 6 கோடி ரூபாய் சம்பளம் கேட்பதாக கூறப்படுகிறது. இது எந்த அளவுக்கு உண்மை என்பது தெரியவில்லை.